Ramiz Lladrovci reagon pas kërkesës së tifozëve “Tigrat e Zi”
Autori: Gazeta inFokus 23:20 | 27 April 2021
Kryetari i komunës së Drenasit, Ramiz Lladrovci, ka sqaruar se kërkesa e tifozëve “Tigrat e zi” për të dhënë vlerësim rreth trajnerit të klubit nuk është e adresuar drejtë pasi nuk ka asnjë kompetencë në klub e as rreth klubit.
Kryetari Lladrovci ka bërë të ditur se asnjëherë nuk është implikuar në vendimet e klubit, as në zgjedhjet që i takojnë kryesisë.
“Unë, e kam përkrahur dhe do ta përkrah KF “Feronikeli” si kryetar i komunës, por, përkrahja nuk nënkupton asnjë lloj implikimi në punët e klubit, menaxhimit, emërimit apo shkarkimit të lojtarëve apo trajnerëve. Kam përkrahur çdo vendim të Kryesisë dhe Klubit për trajner apo për lojtar, pa koment, duke mos qenë asnjë herë pjesë e çfarëdo vendimmarrjeje”, ka thënë Lladrovci mes të tjerash.
Lladrovci ka theksuar se ka bërë gjithçka që ka mundur për të zhvilluar sportet në Drenas e në veçanti futbollin.
Më poshtë sqarimi i plotë:
Sqarim ndaj kërkesës së tifozëve “Tigrat e zi”
Dua të sqaroj se kërkesa e tifozëve, për të dhënë vlerësim rreth trajnerit të klubit, nuk është e adresuar drejtë, sepse, unë nuk kam asnjë kompetencë, as në klub, as rreth klubit.
Klubi ynë i zemrës “Feronikeli”, nuk është në gjendjen që kemi dashur të gjithë ne. Megjithatë, dua ta bëj të ditur se asnjë herë, nuk jam implikuar në vendimet e klubit, as në zgjedhjet apo situatat që i takojnë klubit, kryesisë apo vet kryetarit të klubit.
Unë dua të falënderoj nga zemra z. Naser Ramaj dhe të gjithë kryesinë e cila me vite po i prin klubit me sukses të madh. Ky sezon, nuk ishte më i miri, por, sporti i ka ngritjet dhe rëniet e veta, ashtu siç është edhe situata e pandemisë dhe vështirësitë që po e përcjellin futbollin në vend dhe në botë.
Unë, e kam përkrahur dhe do ta përkrah KF “Feronikeli” si kryetar i komunës, por, përkrahja nuk nënkupton asnjë lloj implikimi në punët e klubit, menaxhimit, emërimit apo shkarkimit të lojtarëve apo trajnerëve. Kam përkrahur çdo vendim të Kryesisë dhe Klubit për trajner apo për lojtar, pa koment, duke mos qenë asnjë herë pjesë e çfarëdo vendimmarrjeje.
Kam bërë të pamundurën për të krijuar kushte sa më të favorshme për sportet dhe futbollin në veçanti në komunën e Drenasit për stadiumin, fushat ndihmëse, për fushat e sportit nëpër qendrat e mëdha brenda komunës tonë e deri te subvencionimi i të gjitha sporteve, në pajtim me ligjin.
Ua bëj me dije tifozëve “Tigrat e zi” se as dje, as sot e as nesër, nuk do të implikohem në asnjë situatë rreth KF “Feronikeli”, por, gjithsesi, do të zhgënjehem shumë, nëse nuk do ta ketë situatën sa më të mirë në klub dhe pozitën sa më të mirë në tabelë.
Mbetem tifoz i flaktë i klubit tonë të zemrës “Feronikeli”, duke duartrokitur nga shkallët e stadiumit dhe duke dëshiruar pozitë sa më të lartë në tabelën e Superligës së Kosovës, me lojë të bukur futbolli, fer dhe sa më tërheqës për dashamirët dhe tifozët tonë në Drenas, në nivel nacional dhe ndërkombëtar.
Suksese!
Të tjera
-
Tahiri: Kurti të jap shpjegim pse Serbia mbeti e pa ndëshkuar pas sulmit në Banjskë
Ish-kryenegociatorja e Kosovës në dialogun Kosovë-Serbi, Edita Tahiri ka kërk...
-
Moti sot me diell, temperaturat deri në 17 gradë Celsius
Sot në Kosovë parashihet të mbajë mot me diell e me vranësira të shpërndara. ...
-
Kusari-Lila: Dërgimi i draftit të Asociacionit në Kushtetuese s’është kusht para votimit në KiE
Shefja e Grupit Parlamentar të Lëvizjes Vetëvendosjes Mimoza Kusari-Lila, ka ...
-
Hamasi po shqyrton propozimin Izraelit për armëpushim në Gazë
Përfaqësues të grupit të militantëve të Hamasit thanë se kishte marrë të shtu...
-
Presidentja uron Sierra Leonen për pavarësi
Presidentja Vjosa Osmani ka uruar në X homologun e saj të Sierra Leones për D...
-
Australia do e ndihmojë Ukrainën me mbi 61 milionë euro
Australia ka njoftuar një paketë ndihme ushtarake për Ukrainën me vlerë mbi 6...
-
Gjashtë gjëra që duhet të dini për pagat në Zvicër
Nëse jetoni dhe punoni tashmë në Zvicër, (ose jeni gati të zhvendoseni këtu),...
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...