Zgjedhjet 2021

Asllanaj: Pensionistët meritojnë më shumë e më mirë

Autori: Gazeta inFokus 18:38 | 11 February 2021

Kandidati i LDK-së për deputet nga Suhareka Sali Allanaj, sot takoi pensionistët e Komunës së Suharekës. Me këtë rast ai tha se pensionistët e kësaj komune sikur edhe të gjithë Kosovës meritojnë trajtim më dinjitoz, pasi që kanë dhënë shumë për Kosovën.

“Jam i nderuar që sot ndodhem në mesin tuaj, më vjen mirë që kemi rast të bisedojmë shtruar për hallet tuaja. Ju meritoni më shumë dhe më mirë, them shumë më mirë pasi që kontributi i juaj për këtë vend është i madh e i pa mohueshëm. Jam sot këtu para jush për të shprehur zotimin tim se do të bëj gjithçka që është e mundur që kerkesat e juaja t’i artikuloj fuqishëm në Kuvendin e Kosovës, pasiqë e drejta është në anën tuaj”, ka thënë Asllanaj.

Në kuadër të fushatës zgjedhore për zgjedhjet e së dieles, kandidati për deputet i LDK-së, Sali Asllanaj, sot qëndroi në Kryqin e Kuq të Komunës së Suharekës. Në takim me punonjësit e këtij institucioni, Asllanaj, ka thënë se angazhimi i atyre që kanë punuar në Kryqin e Kuq, edhe në periudhat më të rënda për vendin, meriton të çmohet e respektohet.

-Advertisement-

“Instituciioni në të cilin ju punoni, pa dyshim se është njëri nga ato institucione të cilat kanë kontribuuar për Kosovën në periudha të rënda, sidomos para luftës. Ruaj respektin më të lartë për të gjithë ju dhe ata qe punuan në të kaluarën këtu “, tha ndër të tjera Asllanaj.

Ish-kryetari i Komunës së Suharekës për tri mandate, Sali Asllanaj, ka vendosur që t’i futet edhe njëherë garës për deputet, gjersa në listën zgjedhore të LDK-së Asllanaj mban numrin 41.

Ai ishte deputet edhe në legjislaturën e viteve 2010 – 2013 të Kuvendit të Kosovës, ndarsa gëzon një mbështetje të madhe për gjithë angazhimin e tij në të gjitha pozitat që ka mbajtur.