Gërxhaliu: U ndërtua një bjeshkë me gurë dhe mbeturina minierash mbi kufomat e shqiptarëve në Serbi
Autori: Gazeta inFokus 11:37 | 18 November 2020
Arsim Gërxhaliu, drejtori i Institutit të Mjekësisë Ligjore, ka thënë se terreni ku janë zbuluar mbetjet mortore të viktimave të luftës është shumë i vështirë.
Që tri ditë është zbuluar varreza masive në Kizhevak të Rashkës, që ndodhet në mes të Rudnicës dhe Kopaonikut, afër një miniere dhe në një terren malor. Mbi kufomat e shqiptarëve janë hedhur gurë dhe mbeturinat e minierës që kanë ndërtuar gati një bjeshkë, gjë që ka vështirësuar në masë të madhe gërmimin për të gjetur kockat.
Gërxhaliu tha se pas zbulimit të varrezës tanimë janë në pritje të gjykatësit, që sipas ligjit në Serbi, ai e merr vendimin se kur do të nisin punimet.
“Me gjasë mund të ndodhë sot dhe të presim vendimet e tij nëse do ta vazhdojë puna ose jo. Si institucion jemi të gatshëm që të vazhdojmë menjëherë derisa na lejojnë kushtet atmosferike. Ne do ta kontrollojmë terrenin derisa jemi të bindur që s’ka pjesë kockore dhe pas kësaj mund të japim numrin e saktë për numrin e individëve që i kemi gjetur”.
“Shumica e këtyre rasteve ndërlidhen rreth zonës së Rudnicës dhe Rashkës. Faktikisht ju takojnë grupacioneve të njerëzve që kanë qenë në Batajnicë dhe nuk është Zhavaku e vetmja pikë ku po bëhen kërkimet. Deri në zbulimin e varrezës masive është dashur të pritet pesë vjet vetëm”.
Gërxhaliu në Klan Kosova tha se bashkëpunimi me institucionet serbe që merren me këtë çështje është i mirë derisa për zbulimin e saktë të vendndodhjes është marrë nga pamjet satelitore të Kryqit të Kuq.
“Autoritetet serbe janë përgatitur për ta sjellë tendën dhe të bartin rrymën elektrike sepse është një pjesë malore e thellë. Pastaj, do të merren mostrat dhe të dërgohen në komisionin ndërkombëtar për persona të pagjetur”.
“Sfida jonë e parë është që t’i gjejmë varrezat masive dhe tani pas pesë vjetësh është një gëzim i suksesit të punës. Pastaj, sfidë është edhe në çfarë gjendje do të jenë, sa persona do t’i gjejmë dhe identifikimi i tyre. Më emocionalja është kur duhet t’ia dorëzojmë familjarëve, të cilëve iu rihapin plagët. Megjithatë, është një “gëzim” edhe për familjarët se do të mund të kenë një varr të të afërmve të tyre”.
Gërxhaliu tha se procesi do të jetë i gjatë për shkak të terrenit dhe procedurës së punës që do të bëhet me dorë tash e tutje.
Të tjera
-
Konjufca: BE po pret me padurim të punojë me qeverinë serbe, e nuk janë të gatshëm t’i heqin masat Kosovës
Kryeparlamentari Glauk Konjufca ka shprehur zhgënjimin e tij ndaj deklaratave...
-
“Bajraktarët” e Shqipërisë nisin kontrollet nga ajri
Në ditët që vijnë do të nisin kontrollet e para nga ajri, përmes fluturimeve ...
-
Knaus: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
Ditët e fundit, Presidenti i Francës Emmanuel Macron dhe Kancelari gjerman Ol...
-
Fundjava e parë pa kufi Kosovë-Shqipëri, qytetarët: Jemi një komb, s’duhet të ketë kurrë kontrolle
Që prej 1 majit, kalimet mes Kosovës dhe Shqipërisë bëhen pa kontrolle kufita...
-
Zbulohet statuja e Skënderbeut në Gjakovë, marrin pjesë pozitë e opozitë
Këtë të shtune është zbuluar statuja e heroit kombëtar Gjergj Kastrioti – Skë...
-
Mungesa e pasaportave të reja në Maqedoninë e Veriut: Sytë kah Shqipëria dhe Mali e Zi për pushime
Mile Jovanovski me dy fëmijët e tij dhe bashkëshorten, këtë vit pushimet vero...
-
Ekspertët kinezë dhe francezë kërkojnë të ardhmen shumëpalëshe në forumin e qeverisjes globale
Më shumë se 100 ekspertë kinezë dhe francezë u mblodhën në Paris të enjten pë...
-
Inspektorati i Prishtinës parandalon uzurpimin e një hapësire në lagjen Dardania, gjobit palën
Inspektorati i Prishtinës gjatë ditës së shtunë ka parandaluar tentim uzurpim...
-
BE: Këshilli do të diskutojë për masat ndaj Kosovës në bazë të një raporti të Borell mbi përmbushjen e kushteve
Zëdhënësi i Bashkimit Evropian, Peter Stano, ka thënë në linjë me konkluzion...
-
Voziti me fëmijë në prehër, dënohet me 400 euro gjobë, 5 pikë negative dhe i merret patentë shoferi për 6 muaj
Policia e Kosovës ka ndëshkuar një shofer në qytetin e Mitrovicës, pasi i një...
-
Lajçak: Kosova ta bëjë Asociacionin, Serbia t’ia njohë simbolet, dokumentet e institucionet
I dërguari i posaçëm i Bashkimit Evropian për dialogun ndërmjet Kosovës dhe S...
-
Qytetarët në Ferizaj dalin në ‘peshkim’ pas reshjeve të shiut
Qytetarët në qytetin e Ferizajt kanë shfrytëzuar rastin që të ironizojë pas p...