Auto&Tech

5G-ja vetëm tek iPhone-t e 2020

Autori: Gazeta inFokus 22:45 | 19 June 2019

Sipas një raporti të fundit nga analisti i shquar i Apple, Ming-Chi Kuo, gjiganti i iPhone ka filluar të bëjë plane për 2020.

Sipas tij do të jenë modelet e vitit të ardhshëm të parët me teknologjinë 5G, por jo të gjithë. Bëhet fjalë për modelet e rangut të lartë ndërsa e mbarë linja iPhone do të kalojë në 5G vetëm në 2021.

Raporti është në një linjë me spekulimet e fundit se kompania do të mbajë peng 5G deri në 2020. Një gjë e tillë e vendos Apple pas disa prodhuesve të telefonëve Android të cilët i kanë hyrë një gare për të sjellë teknologjinë në treg.

-Advertisement-

Këto kompani si Samsung, LG e madje edhe OnePlus, kanë shansin të lidhin marrëveshjet e para me operatorët celularë të cilët kanë filluar të ofrojnë shërbime 5G.

Deshira për të sjellë 5G tek iPhone mendohet të jetë një prej arsyeve kryesore pse Apple u tërhoq nga beteja ligjore me Qualcomm.

Por sipas Kuo në 2022 ose 2023 Apple do të prodhojë vetë këto çipe duke ndihmuar kompaninë të divorcohet nga palët e treta.

Raporti vijon më tutje duke thënë se Apple do të prodhojë tre modele iPhone vitin e ardhshëm. Lista përfshin modelet 5.4-inç dhe 6.7-inç OLED duke kaluar dhe modelin e vogël në fjalën e fundit të teknologjisë së ekraneve.

Pasardhësi i XR do të ketë vetëm teknologjinë 4G LTE dhe jo atë 5G vitin e ardhshëm.

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Të tjera