Sport

13-vjeçarja shqiptare shpallet kampione Evrope në shah, Rama: Urime kampione!

Autori: Gazeta inFokus 18:42 | 01 October 2023

13-vjeçarja shqiptare, Kler Çaku është shpallur kampione Evrope në shah në Kampionatin e Rapidit, në Slloveni, për vajzat deri në moshën 14 vjeç.

Kryeministri i vendit, Edi Rama përmes një postimi në Facebook ka uruar sportisten shqiptare.

“Urime Kler Çarku, 13-vjeçarja shqiptare shpallet kampione Evrope në shah, në Kampionatin e Rapidit, në Slloveni, për vajzat deri në moshën 14 vjeç”, shkruan numri një i Qeverisë.

-Advertisement-

13-vjeçarja u shpall kampione Evrope me 7 fitore dhe 2 barazime, në kampionatin e Rapidit, në Slloveni, për vajzat deri në moshën 14-vjeçare, bëri të ditur Federata Shqiptare e Shehut.

FSHH theksoi se, “kjo fitore vjen, vetëm pak orë përpara ngjarjes së jashtëzakonshme, për sportin shqiptar. Ndërsa Shqipëria, mbledh në Durrës, yjet botërorë të shahut, Çaku i dhuron vendit të saj, një titull si kampione”.

“Kler është gjithashtu, pjesëmarrëse ne Kupën Evropiane të Klubeve 2023, me ekipin Teuta. Një skuadër që premton garë të fortë, në kompeticionin më të madh sportiv evropian, të vitit”, bëri të ditur FSHH.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Stone Castle Vineyards & Winery Fituese e çmimeve të shumta në USA Spirits & Wine Ratings 2023

Të tjera

Fokusi

sport