Krasniqi: Zona Ekonomike e Vitisë gjeneron vende të reja të punës dhe zhvillim ekonomik në Anamoravë
Autori: Gazeta inFokus 14:11 | 15 December 2020
Në Zonën e Ekonomike në Viti do të futen mbi 40 kompani të huaja dhe nga vendi, që pritet të krijohen vende të reja të punës dhe zhvillim ekonomik për Anamoravën.
Ministri Tregtisë dhe Industrisë (MTI) Vesel Krasniqi gjatë një vizite në këtë Zonë, tha se punimet janë në fazën përfundimtare dhe pritet të jetë funksionale për bizneset e Vitisë dhe rrethinës në pranverën e vitit të ardhshëm.
Krasniqi tha se MTI synon krijimin e kushteve më të mira për bizneset dhe për zhvillimin ekonomik në vend.
“Ne synojmë që vitin e ardhshëm të shpallim procedura të reja për aneks të kësaj zone, ku edhe kryetari është zotuar që procedurat e kërkuara me ligj përmes asamblesë komunale të përfundojnë në pranverën e hershme. Kjo zonë që është në fazën përfundimtare pritet të akomodohen rreth 40 biznese. Vlera e gjithë këtij projekti është 1.8 milionë euro. Presim që të jetë një zonë me interes jo vetëm për komunën e Vitisë… Mendoj se kështu po krijojmë një hapësirë të mirë për bizneset e kësaj ane. Do të ketë investitorë që do të sjellin kapitalin e tyre edhe nga jashtë, edhe nga Maqedonia. Këto biznese do të ndikojnë drejtpërdrejt për zhvillimin ekonomik të vendit tonë. Po ashtu në vitin e ardhshëm synojmë edhe dy zona të tjera”, tha Krasniqi.
Kryetari i Komunës së Vitisë, Sokol Haliti tha se presin që vitin e ardhshëm të jetë funksionale Zona Ekonomik, me kompani që do të krijojnë vende të reja të punës, të hyra financiare dhe zhvillim ekonomik për tërë regjionin.
“Një zonë ekonomike për regjionin e Anamoravës do të thotë punësim, zhvillim ekonomik dhe investime të reja. Po ashtu, investitorë të huaj, nga mërgata dhe nga vendi që janë prodhues dhe përpunues në komunën tonë dhe në regjion”, tha Haliti.
Zona Ekonomike në Budrigë të Vitisë ka një sipërfaqe prej 15.5 hektarë, e që pritet të zgjerohet edhe me 15 hektarë të tjerë. Projekti i mbështetur nga financiarisht nga MTI-ja ka një kosto 1. 8 milionë euro.
Ministri Krasniqi gjatë vizitës në Anamoravë ka vizituar edhe fabrikën e prodhimit të vajrave motorike “Pirmoil” në Gërlicë për të parë sfidat dhe veprimtarinë e këtij prodhuesi vendor.
Krasniqi ka ofruar mbështetje përmes Ligjit për rimëkëmbje ekonomike, i cili tha se fokus kryesor ka mbështetjen e prodhuesve vendorë.
“Ne si MTI dhe Qeveri e Kosovës planifikojmë që edhe më tutje t’i mbështesim prodhuesit tanë vendorë. Fokus i veçantë në agjendën tonë kemi mbështetjen e prodhuesve vendorë përmes legjislacionit në fuqi dhe asaj që pritet të ndryshohet, duke favorizuar produktet tona që prodhohen në vendin tonë. Me Ligjin për rimëkëmbje ekonomike ne do të kemi mundësi t’i mbështesim në forma të ndryshme për mes masave. Inkurajoj për punë dhe në të ardhmen sigurisht me mbështetjen tonë si Qeveri e Kosovës që ta rritë kapacitetin e prodhimin e këtyre vajrave që të ketë për të gjithë qytetarët e Kosovës produkte vendore”, tha Krasniqi.
Kjo fabrikë, e cila mbulon tregun vendor 50 për qind me vajra motorike dhe eksporton në vendet e tjera, aktualisht ka rreth 100 të punësuar.
Të tjera
-
Anëtarësimi i Kosovës në KiE, cilat janë vendet skeptike që duan fillimisht asociacionin?
Në fund të javës së ardhshme pritet që të përcaktohet agjenda e Komitetit të ...
-
Ngjarjet e datës 4 maj
Në vigjilje të shënimit të 25-vjetorit të çlirimit të Komunës së Gjakovës org...
-
Investimi në kriptovaluta, qytetarë të shumtë po bien pre e mashtrimeve
Interesimi i qytetarëve për të investuar në kriptovaluta vazhdon të jetë i ma...
-
4 Maj, Dita Ndërkombëtare e Zjarrfikësve
Të shtunën e 4 majit ashtu si në mbarë botën edhe në Kosovë festohet Dita Ndë...
-
AGK-ja dënon intimidimin e deputetit Basha ndaj gazetares së RTK-së
AGK-ja dënon intimidimin publik të deputetit, Dimal Basha ndaj gazetares së R...
-
Osmani uron Poloninë për Ditën e Kushtetutës
Presidentja e Kosovës, Vjosa Osmani e ka uruar Poloninë me rastin e Ditës së ...
-
Polici i goditur me veturë dërgohet në emergjencë, kjo është gjendja e tij
Gjendja e zyrtarit policor, i cili u godit nga e dyshuara A.A, në kohën kur i...
-
Shoferja godet me veturë policin në Prishtinë dhe largohet nga vendi i ngjarjes
Një zyrtar policor, i cili ishte në detyrë është goditur nga një shofere e ci...
-
Gjendet i vde kur një burrë në Rahovec, policia nis hetimet
Një ngjarje e rëndë ka ndodhur pasditen e së premtes në Krushë të Madhe të Ra...
-
Nga një muaj paraburgim për të dyshuarit e plag osjeve në Lupç të Podujevës
Gjykata Themelore në Prishtinë ka vendosur lidhur me kërkesën e Prokurorisë T...
-
Goditet për vd*kje një 50-vjeçar në Durrës
Një person i moshës 50 vjeç ka mbetur i vdekur në Durrës si pasojë e një aksi...
-
Zëdhënësi i AAK-së: U vërtetua që mediat në Kosovë janë në shkelje e sipër nga një qeveri që koha po i kalon
Në Indeksin i fundit vjetor Botëror mbi Lirinë e Shtypit publikuar nga “Repor...