Lajme

Zv/ministri Durmishi tregon kur do të përfundojë rruga Prishtinë-Mitrovicë

Autori: Gazeta inFokus 09:03 | 20 February 2023

Zëvendësministri i infrastrukturës Hysen Durmishi ka folur për rrugën Prishtinë-Mitrovicë, punimet e së cilës janë ndalur së fundi, pasi është shkëputur marrëveshja me kontraktorin.

Durmishi ka thënë se tani duhet të bëhet kontrata me një kontraktor të ri dhe se nuk e di sa do të zgjasë por që rruga duhet të përfundojë deri në fund të këtij viti dhe jo më herët.

“Fillimisht bëhet prerja e punimeve nga kontraktori paraprak dhe pastaj duhet bërë kontrata me kontraktorin e ri. Nuk dihet se sa do të zgjasë. Do të bëjmë përpjekje maksimale që kontraktori i ri t’i respektojë afatet kohore të parapara në kontratë. Nuk mund të përfundohet puna para ardhjes së bashkatdhetarëve por shpresojmë që të përfundojë brenda këtij muaji”, u shpreh Durmishi në emisionin Mirëmëngjesi me Arben Ahmetin në Kanal10.

-Advertisement-

Ai tha se rruga me kontraktorin e kaluar do të duhet të përfundonte në muajin prill por që kompania nuk i ka respektuar afatet.

“Rruga është dashur të përfundojë në muajin prill por që kontraktori nuk i ka respektuar afatet dhe kjo është arsyeja pse është shkëputur kontrata. Afati është 9 muaj nga nisja e punës me kontraktorin”, tha ai.

Subscribe në YouTube: GAZETA INFOKUSI
Black Friday ne Artmotion
-Advertisement-

Të tjera

Fokusi

lajme