Vuçiq i trembur: Po përpiqen të na detyrojnë në një zgjidhje të pafavorshme për Serbinë
Autori: Gazeta inFokus 16:40 | 08 January 2023
Presidenti serb, Aleksandar Vuçiq u paraqit si i tensionuar sot, pasi lexoi letrën e KFOR-it që përmbante refuzimin për kthimin e trupave policore dhe ushtarake serbe në Kosovë.
Pasi shprehu indinjatën me ndërkombëtarët, që sipas tij janë kundër serbëve, Vuçiq tha se pret presion të madh në vazhdim. Këtë paralajmërim, në fakt ai është mësuar ta bëjë vazhdimisht, për t’iu dukur më “hero” serbëve që i besojnë atij.
“Pres presion të madh… Pres më shumë presion për sanksionet kundër Federatës Ruse”, tha ai, raportojnë mediat serbe.
Problemin më të madh, Vuçiq duket se e ka me qëndrimin e Gjermanisë.
“Është e vështirë të zbusësh një njeri që e qorton çdo ditë dhe nuk ia jep të drejtat. Gjermania është një partner i rëndësishëm për ne dhe çdo fjalë e tyre është e rëndësishme për ne. Është e lehtë për mua ta shaj, por duhet të shqetësohuni për atë që thonë gjermanët. Nëse nuk do ta bëja, nuk do ta kishim Serbinë”, tha presidenti serb.
Nuk harroi ta përmendte as kryeministrin e Kosovës, Albin Kurtin.
“Kurti bën mirë që paraqitet si Zelensky, dhe mua si Putinin, por problemi për mua është se ai nuk mund të shpjegojë me të vërtetë se tokën e kujt e kemi pushtuar. Ne nuk jemi në tokën e askujt, por ata janë në tonat. Ne kemi tokën tonë”, tha ai.
Më pas, u kthye prapë te presioni që ai pret ta ketë për ta gjetur një zgjidhje kompromisi me Kosovën.
“Presionet janë normale, është e tyre ta bëjnë, e jona ta durojmë. Nuk arritëm dot një zgjidhje kompromisi dhe janë të gjithë duke u përpjekur të na detyrojnë në një zgjidhje të pafavorshme për Serbinë”, tha ai.
“Ne e dorëzuam Millosheviqin, çfarëdo që mendoj për të. Por pse duhej ta dorëzonim presidentin? A u bëmë pjesë e BE-së pas kësaj? Jo, pas kësaj vramë kryeministrin tonë dhe përsëri nuk jam i sigurt se ishte vetëm punë e duarve të brendshme. Epo thanë arrestoni Mlladiqin, Karaxhiqin, u kryen operacione sekrete… Çfarë morëm? Liberalizimi i vizave? Po tani, kur t’i vendosim sanksionet, do të jetë koha për marrëveshje me Kosovën”, tha Vuçiq.
Presidenti serb tha se “Amerika është e sinqertë në dëshirën e pavarësisë së plotë të Kosovës” por tha se me amerikanët “është e mundur të bisedohet”
“Ata përpiqen të kuptojnë qëndrimin tonë”, tha Vuçiq, duke shtuar se “kam pasur biseda të mira me Hillin (ambasadorin e SHBA-së në Beograd)”.
“Nuk po them se do të ndryshojë qëndrim, nuk do të ndryshojë, por dëgjon dhe dëgjon atë që themi ne, e njëjta gjë është edhe me Chollet dhe Escobar. A mund të çojë kjo në diçka për ne – shpresoj, por nuk jam vërtet i sigurt”, tha Vuçiq.
Të tjera
-
Kusari-Lila: Borrelli e Lajçaku s’kanë lejuar që qeveria ta hartojë konceptin e Asociacionit
Shefja e deputetëve të Lëvizjes Vetëvendosje, Mimoza Kusari – Lila, ka thënë ...
-
Imami kosovar thirrje Kurtit e Haxhiut: Lejoni shamitë në shkolla!
Imami Kosovar Labinot Maliqi, përmes një postimi ne facebook i ka bërë thirrj...
-
Besnik Tahiri: Nëse e bën këtë, unë i them hallall të koftë Albin Kurti
Shefi i GP-së së AAK-së, Besnik Tahiri, është shprehur i pakënaqur me punën e...
-
Marëdhënie në nivel strategjik
Kina deklaroi ngritjen e marrëdhënieve me Hungarinë Serbinë mbi nivelin e par...
-
Përbërja e re e Kuvendit të RMV-së do të jetë me 30 deputetë shqiptarë
Përbërja e re e Kuvendit të Maqedonisë së Veriut do të ketë 30 deputetë shqip...
-
Firmat e sanksionuara, dikur në bashkëpronësi të Radoiçiqit, fituan miliona euro
Mbi 23.5 milionë euro. Kaq fituan tri kompani ndërtimi në Serbi, të cilat gje...
-
Kurti: Vazhdojnë të mblidhen dëshmitë e krimeve të kryera gjatë luftës në Kosovë
Kryeministri i vendit, Albin Kurti, ka takuar drejtorin ekzekutiv të Institut...
-
Gjenerali amerikan merr detyrën e shefit të shtabit të KFOR-it në Kosovë
Gjeneral brigade Arthur J. Garffer nga ushtria amerikane ka marrë zyrtarisht ...
-
Bajrami – Gërvallës: S’mbulohën dështimet në politikën e jashtme me të pavërteta për ekonominë e Kosovës
Hykmete Bajrami, deputete e Lidhjes Demokratike të Kosovës, i ka reaguar, min...
-
Abdixhiku takon delegacionin 30 anëtarësh të CSU-së: LDK-ja i ruan dhe i kultivon raporte me forcat kryesore evropiane
Kreu i LDK-së, Lumir Abdixhiku, njofton se ka mirëpritur delegacionin 30 anët...
-
Skandaloze: Në parcelën ku duhet të ndërtohet një çerdhe në Prishtinë, po ngrihet një objekt banesor
Një skandal i madh, i pa parë deri më tash po ndodh në komunën e Prishtinës, ...
-
Bashkëluftetari i Ilir Konushevcit: S’kemi menduar kurrë se do t’i bëhej pritë në shtetin që kishim më së shumti besim
Sot janë bërë 26 vjet që nga rënia e heroit të kombit, Ilir Konushevci, bashk...