Vuçiç: Nuk kam në plan të nënshkruaj asgjë në Ohër
Autori: Gazeta inFokus 08:55 | 17 March 2023
Presidenti i Serbisë, Aleksandar Vuçiç, tha të enjten se nuk planifikon të nënshkruaj asgjë në takimin e së shtunës në Ohër me kryeministrin e Kosovës, Albin Kurti.
Ai i bëri këto komente gjatë një konference me gazetarë në Beograd, në prag të takimit më 18 mars ku do të diskutohet për udhërrëfyesin e zbatimit të një plani të ofruar nga perëndimi për normalizimin e marrëdhënieve ndërmjet Kosovës dhe Serbisë.
“Kur dikush të nënshkruajë diçka, unë do ta bëj, për këtë vendosin qytetarët por nuk planifikoj të nënshkruaj asgjë”, tha presidenti serb, duke mohuar të ketë marrë ndonjë projekt të udhërrëfyesit nga Bashkimi Evropian.
“Kemi dorëzuar propozimin tonë, shqiptarët të tyrin dhe ende nuk kemi marrë asgjë nga Brukseli. Nuk ka nevojë të alarmohet publiku. Kur të ketë, do të informoj publikun dhe do të vë në dukje të këqijat, ose të mirat, nëse ka të mira në diçka që është e vështirë për ne”, tha presidenti Vuçiç.
Presidenti serb tha se takimi i Ohrit nuk do të jetë ‘ditë e gjykimit’ duke nënvizuar se do të përpiqet të bëjë atë që është më e mira për Serbinë.
“Ditët e kaluara kam diskutuar se çfarë është e nevojshme për të arritur normalizimin e marrëdhënieve me Prishtinën, e them normalizim me qëllim, dhe kur them normalizim, nuk është eufemizëm për njohjen e Kosovës, de fakto apo de jure. Për mua, normalizimi do të thotë të kemi marrëdhënie më të mira me shqiptarët se sa sot, të zgjidhim problemet e panumërta që kemi dhe të përpiqemi të jetojmë bashkë aq sa është e mundur, e nëse jo – atëherë pranë njëri-tjetrit”, tha ai, duke nënvizuar se nuk do të heq dorë nga vijat e kuqe të Serbisë kundruall Kosovës, duke ju referuar qëndrimeve të tij kundër mundësisë së anëtarësimit të Kosovës në Kombet e Bashkuara.
Presidenti serb tha se Asociacioni i komunave me shumicë serbe është shumë i rëndësishëm për Serbinë, meqë ofron siguri dhe mbështetje për serbët e Kosovës.
“Nëse shqiptarët pranojnë ta formojnë Asociacionin, do të ketë gjëra që nuk janë të lehta për ne dhe nuk do ta fsheh asnjërën para qytetarëve. Por, rezultati për vendin tonë do të jetë i mirë dhe kjo është më e rëndësishmja”, tha presidenti serb.
Prishtina e cila është gjetur nën trysni ndërkombëtare për themelimin e Asociacionit heziton ta bëjë këtë duke përmendur shqetësimin se ai mund të shndërrohet në një mekanizëm të ngjashëm me Republikën Serbe në Bosnjë.
Diplomatët perëndimorë e kanë hedhur poshtë një mundësi të tillë duke theksuar se themelimi i Asociacionit është detyrim ligjor ndërkombëtar i Kosovës./VOA
Të tjera
-
Rrugëtimi i Kosovës në një çerek shekulli liri
25 vjet më parë, më 12 qershor 1999, trupat paqeruajtëse të NATO-s hynë në Ko...
-
Sëmundjet nga pickimet e mushkonjave, kërcënim i madh për Evropën, ja arsyeja
Ndryshimet klimatike po nxisin përhapjen e specieve pushtuese të mushkonjave ...
-
Agjenda e presidentes Osmani për 25 vjetorin e çlirimit
Me rastin e 25 vjetorit të çlirimit, presidentja e Kosovës, Vjosa Osmani do t...
-
Video e tmerrit tregon fabrikën e ‘robotëve humanoidë’ me fytyra të detajuara njerëzore që mund të zëvendësojnë këdo (Pamje)
Shprehja ‘asgjë nuk është siç duket’ ngrihet në një tjetër nivel kur shikon p...
-
Dëbohet kosovari, jetonte në Gjermani nga viti 1989
Një person nga Kosova mund të dëbohet nga Qarku i Göttingen-it. Gjykata Admin...
-
Veteranët britanikë që shërbyen në kuadër të KFOR-it, pas dy dekadave vizitojnë Kosovën
Një grup ushtarësh të dikurshëm britanikë, të cilët shërbyen në Kosovë si pje...
-
Kuvendi mban seancë solemne për 25 vjetorin e çlirimit të Kosovës
Njëzet e pesë vjet më parë, në Kosovë hynë trupat paqeruajtëse të NATO-s. Në ...
-
1500 ushtarë të FSK-së do të parakalojnë në shesh me rastin e Ditës së Çlirimit
Sot shënohet 25-vjetori i Ditës së Çlirimit të Kosovës. Në 25-vjetorit, pë...
-
Moti sot me diell, temperatura 31°C
Instituti Hidrometeorologjik i Kosovës ka bërë të ditur se sot parashikohet m...
-
Kurti e Konjufca drekojnë me miqtë e Kosovës: Walker-in, Begaj-n, Mesiq-in e Robertson-in
Kryeministri Albin Kurti, bashkë me kryetarin e Kuvendit, Glauk Konjufca, kan...
-
Haliti: Ibrahim Rugova ka kërkuar azil në Gjermani, thoshin se UÇK-ja do ta vra së nëse vjen në Kosovë
Deputeti i PDK-së dhe një nga figurat kryesore gjatë viteve ’90, Xhavit Halit...
-
Të shtunën në Klinë bëhet zbulimi i lapidarit të heronjve Prënademi
Të shtunën, më 15 qershor, në Dollc të Klinës do të bëhet përurimi i lapidari...