Rozë

Vidal jashtë forme, e fejuara “i tregon” se si duhet të stërvitet (Foto)

Autori: Gazeta inFokus 09:43 | 12 January 2021

Arturo Vidal po zhgënjen te Interi, pasi përveç gabimeve të kushtueshme në fushën e lojës, është parë dukshëm jo në formën e duhur fizike, çka ka ndikuar jo pak në cilësinë e lojës në fushë.

Edhe trajneri Antonio Conte, sponsori më i madh i afrimit të tij te Interi, pranoi në fund të ndeshjes me Crotonen se mesfushori kilen duhet të punojë shumë për të fituar gjendjen fizike që nevojitet për të përballuar kërkesat e tij në fushë.

Megjithatë shembulli më i mirë për Vidal duket se është e fejuara e tij, Sonia Isaza, e cila prej ditësh i është nënshtruar një regjimi të fortë stërvitjeje në palestër, teksa çdo ditë poston video nga ushtrimet e vështira që kryen.

-Advertisement-

Bukuroshja kolumbiane mund të shërbejë si një frymëzim i mirë për Vidal, me qëllim që ky i fundit t’i rikthehet stërvitjes intensive dhe të gjejë formën e duhur fizike.