Rozë

Egzon Pireci, prek përsëri zemrat, “Derë m’Derë”, në kërkim të dashurisë

Autori: Gazeta inFokus 16:59 | 12 June 2025

Këngëtari i njohur shqiptar, Egzon Pireci, ka lansuar projektin e tij më të ri muzikor me titullin “Derë m’Derë”, një këngë e ndjerë që ka ngjallur menjëherë interes të madh në publik, shkruan Gazeta Infokus.

Vetëm brenda 24 orëve të para nga publikimi, kënga ka arritur një shikueshmëri të konsiderueshme në platformat muzikore, duke dëshmuar për impaktin e saj emocional dhe estetik.

Në “Derë m’Derë”, Egzoni shfaq një performancë të thellë shpirtërore, ku përmes vargjeve të ndjera dhe melodisë së butë, shpreh kërkimin e tij për dashurinë, me ndjenjat më të sinqerta.

-Advertisement-

Kënga pasqyron një udhëtim të brendshëm emocional, në kërkim të dashurisë së pastër dhe të vërtetë.

Projekti është realizuar me përkushtim dhe profesionalizëm:

Muzika & Teksti: Egzon Pireci

Orkestrimi: Nexhat Mujovi – Ëirusi

Video: BUG Production

Styling: Agnesa Miftari

Me këtë këngë, Egzon Pireci tregon edhe një herë aftësinë e tij për të sjellë projekte të veçanta që prekin zemrën e dëgjuesit, duke e konsoliduar pozicionin e tij në skenën muzikore shqiptare./Gazeta Infokus/