Lajme

​Vazhdojnë protestat antiqeveritare e kundër Vuçiqit në Serbi

Autori: Gazeta inFokus 10:44 | 13 August 2023

Qindra serbë u mblodhën të shtunën në qytete anembanë vendit në protesta antiqeveritare dhe demonstrata kundër presidentit Aleksandër Vuçiq dhe për të dënuar dhunën.

Turmat u mblodhën për demonstratën e 15-të “Serbia kundër dhunës” në kryeqytet Beograd, gjithashtu në Novi Sad dhe Nish, që nisi pas të shtënave masive që lanë dhjetëra të vdekur e që u orientua edhe kundër drejtuesve të shtetit serb.

Protestuesit kanë marshuar drejt ndërtesës së qeverisë dhe ka dhënë mesazh se do të vazhdojnë me protestat.

-Advertisement-

Protestuesit kërkuan t’i jepet fund promovimit të dhunës në media.

Ata kërkuan gjithashtu dorëheqjen e ministrave të qeverisë të përfshirë në siguri.

Protestat filluan pas dy të shtënave masive në më pak se 48 orë që lanë të paktën 17 të vdekur më 7 maj.

Turma përpara ndërtesës së parlamentit në Beograd marshoi nëpër qytet, duke shkaktuar ndërprerje të trafikut.

Protestuesit kërkuan gjithashtu shkarkimin e menaxhmentit të Televizionit Shtetëror Serb (RTS) dhe Bordit të tij Mbikëqyrës, i cili përcakton se cilat kanale transmetohen në televizion.

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme