Bazuar në legjislacionin në fuqi në Republikën e Kosovës për ujërat sipërfaqësorë dhe shkarkimet në rrjetin e kanalizimit,  ujërat e shkarkuara nga TC-Kosova-A dhe TC-Kosova-B jashtë KEK-ut,  janë në suaza  të kritereve të lejuara te vlerës së PH-së dhe nuk shkaktojn asnjë ndotje.

KEK-u,  nuk është në dijeni me aktivitetin e Avokatit të Popullit dhe qëllimin e kësaj vizite e cila ishte e pa koordinuar me zyrtarët përgjegjës të kësaj fushe të cilët monitorimin e ujërave të shkarkuara nga KEK-u, e bëjnë në vazhdimësi në mënyrë profesionale dhe gjendjen e raportojnë në institucionet relevante.   Sidoqoftë, për hir të informimit të drejt të opinionit,  jemi të obliguar që të sqarojmë se vendet e marrjes së mostrave të ujit (VM) të paraqitura nga Avokati Popullit nuk janë të qarta dhe të definuara dhe si të tilla nuk paraqesin realitetin e ujërave shkarkues nga KEK-u, në Lumin Sitnicë.

Se pari e shohim të arsyeshme të sqarohet konfuzioni parë gjeografik në deklaratën e Avokatit të Popullit.  Ujrat nga zbrazjet hidraulike të hirit nga Termocentralet zbrazen në një impiant që gjendet në Mirash e jo në fshatin Dardhishte! Më tej, në zonën e ndikimit të KEK-ut, veprojnë edhe kompani dhe operatorë të tjerë, prandaj edhe marrja e mostrave nuk dihet saktë ku është marrë dhe nga kush mund të jetë shkaktuar ndotja eventuale, natyrisht, nëse është e vërtetë.

Për më tepër , bazuar në legjislacion (ligjin nr: 04/147 për ujërat e Kosovës dhe UA nr: 30/2014) për shkarkimet në ujërat sipërfaqësorë dhe shkarkimet në rrjetin e kanalizimit, KEK-u, bënë monitorimin e rregullt të ujërave të shkarkuara nga aktivitetet vetanake duke analizuar parametrat fiziko-kimike dhe bakteriologjik të këtyre ujërave, përmes institucioneve të pavarura.

Si rrjedhojë, monitorimi i ujërave shkarkues në TC-A analizohet në 5 VM, prej te cilave dy janë në Lumin-Sitnica. Ndërsa, ujërat shkarkuese nga TC-B analizohen në 7 VM prej te cilave dy janë në Lumin-Sitnice.

Prandaj, ashtu siç mundë të shihet edhe në TAB-1, vlera e PH-së,  e ujërave grumbulluese të cilat shkarkohen në Lumin Sitnicë nga dy termocentralet nuk kanë tejkaluar kriterin e paraparë sipas ligjit (UA, nr: 30/2014).
Ndërsa, sa i përket ujërave që shkarkohen dhe grumbullohen në deponin e hirit (e të cilat gjendet brenda KEK-ut dhe nuk janë paraparë për shkarkim jashtë) parametrat e PH-së nuk janë relevante për vlerësimin e ndotjes së mjedisit, sepse kjo deponi konsiderohet si impiant grumbullues dhe përpunues i ujërave teknologjik që shkarkohen nga KEK-u.
Sidoqoftë, nga analizat kimiko- fizike të bëra në mostrën e ujit të mostruar në Lumin Sitnicë ( vend mostrimi: V1-Lismir), që ndodhet menjëherë pas deponisë së hirit shihet qartë që nuk ka tejkalim të  vlerës së PH-së, çka argumenton se nga baseni grumbullues i ujerave se deponisë së hirit nuk ka shkarkime të ujërave te ndotur ne lumin Sitnicë.

BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta

Sponsoruar