Anëtari në Komisionin Qendror të Zgjedhjeve nga Partia Demokratike e Kosovës Ilir Gashi, ka ngritur dyshime në lidhje me procesin e votimit përmes postës, shkruan Gazeta Infokus.

Gashi në KQZ u ka treguar anëtarëve video që janë shpërndarë në rrjete sociale, e ku u bëhet thirrje qytetarëve që janë regjistruar që të votojnë me postë, që të marrin ndihmë sesi të votohet. Sipas tij kjo ndihmë po jepet në zyre të partive apo vendvotime të improvizuara.

Ai ka kërkuar edhe reagimin e prokurorisë dhe shtetit që këto raste të hetohen.

-Advertisement-

Sipas Gashit votimi përmes postës duhet të jetë individual dhe çdo ndërhyrje apo ndihmë që ndikon te votuesi bie ndesh me ligjin dhe integritetin e procesit zgjedhor.

“Më duhet ta ngris një shqetësim se në janar ka filluar procesi i votimit në diasporë dhe e dimë që ky proces është vështir i monitoruar nga ne sepse është e pa mundshme që të kemi njerëz për të përcjellë pjesën e votimit përmes postës. Ka tendencë të hapur publike për t’u manipuluar procesi në disa raste të fillimit të procesit të diasporës. Dje kam pranuar nga rrjetet sociale video, të cilët i ftojnë votuesit përmes postës që t’u ndihmojnë që të votojnë. Këto janë tendenca për ta kontaminuar këtë proces. Nuk lejohet improvizim i votimeve neper kafiteri, zyra të partive. Ekziston rrezik që perona që japin ndihmë në këto vendvotime të improvizuara mund të kenë ndikim ne votim. Së treti votimi i pistës duhet të jetë individual. Këto janë vepra penale. Nuk guxojnë praktika të tilla të instalohen. I bëjë thirrje Prokurorisë së shtetit që të merr masa”, ka thënë Gashi.

Ndërsa anëtari i Vetëvendosjes në KQZ, KQZ Sami Kurteshi, tha se çështja e ngritur nga anëtari i PDK-së nuk është për t’u shqetësuar.

Sipas tij, është e lejuar që partitë t’i bindin votuesit që të votojnë një parti të caktuar, por që nuk është e lejuar që dikush të votoj për dikë.

“Nuk është shqetësim, është shqetësim i një natyre tjetër. Por gjithkush e ka obligim që t’i ndihmojë deri në momentin që nuk shkruan me dorën e vetë në votën e tij. Kolegu do të shpërndaj një skepticizëm, një dyshim te njerëzit që askush askujt të mos i ndihmoj”, ka thënë ai.

Anëtari i Lidhjes Demokratike të Kosovës në KQZ Sabri Hamiti, ka thënë se KQZ-ja ka kryer një punë të shkëlqyeshme duke njoftuar diasporën se si duhet të votohet, e sipas tij, videot e shpërndara në rrjete sociale për ndihmë për votuesit me postë nuk janë në rregull.

“Ky institucion i yni e ka kryer punën në mënyrë të shkëlqyeshme. Pjesët tjera edhe ndihmat se hajdeni këtu se na ju orientojmë se si. Asistim në grup është ai. Unë konsideroj që nuk është në rregull”, ka thënë ai.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-