Lajme

Trump thotë se do të bëhet “Mr. Veto” nëse demokratët rimarrin pushtetin në Kongres

Autori: Gazeta inFokus 18:05 | 02 November 2026

Presidenti amerikan Donald Trump përsëriti se planifikon ta ushtrojë autoritetin e tij ekzekutiv për të vënë veton ndaj legjislacionit të udhëhequr nga demokratët, nëse ata rimarrin pushtetin në Kongres, shkruan CNN.

“Mendoj se do të dalim shumë mirë, por nëse nuk fitojmë, do t’i vë veto gjithçkaje. Do të vë veto, do të vazhdoj të vë veto, pastaj ata do të vijnë dhe ndoshta do të arrijmë disa marrëveshje gjatë rrugës, por nuk do të ishte aq mirë”, i tha Trump Miranda Devine në emisionin “Pod Force One” të New York Post.

Intervista, e regjistruar të premten, u publikua këtë mëngjes. Ajo vjen në kohën kur sondazhet e reja sugjerojnë se demokratët janë shumë pranë marrjes së kontrollit të Senatit.

-Advertisement-

I pyetur nëse do të jetë në gjendje të vazhdojë atë që po bën si president dhe të bashkëpunojë me demokratët nëse ata fitojnë, Trump tha: “Epo, nëse ndodh kjo, besoj se do të bëhem Zoti Veto”.

“Pastaj, në një moment, ndoshta do të arrijmë marrëveshje. Kështu ka ndodhur. Dua të them, kjo nuk do të ishte hera e parë”, tha ai.

“Ata do të dërgojnë propozime. Ti u vë veto dhe përfundimisht, pasi për një ose dy muaj gjithçka të jetë refuzuar me veto, ata thjesht humbin kohë – vijnë tek ti dhe ti arrin një marrëveshje”, shtoi Trump. “Shpresojmë që të mos na duhet të shqetësohemi për këtë”.

Trump bëri komente të ngjashme për gazetarët në fund të tetorit, duke thënë se, ndonëse beson se “republikanët do të fitojnë”, plani i tij është t’i vërë veto legjislacionit të udhëhequr nga demokratët, për ta detyruar partinë tjetër të hyjë në negociata me republikanët.

Udhëto nga Suedia drejt Kosovës me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy