Ekonomi

Tri vetura e para të gatshme në bankë, ja sa është pasuria e Bekim Jasharit (Dokumente)

Kryetari i Skënderajit, Bekim Jashari ka deklaruar goxha pasuri në raportimin në Agjencinë Kundër Korrupsionin.

Jashari në këtë deklarim ka treguar se ka në bashkëpronësi një shtëpi me sipërfaqe 900 metra katrorë, të cilës nuk ia ka bërë të ditur vlerën.

Vlerën, Jashari nuk ia ka treguar se një toke me sipërfaqe 18 hektarë, e cila gjithashtu është në bashkëpronësi.

-Advertisement-

Megjithatë, i pari i Skënderajt vlerën ia ka treguar një prone të paluajtshme të cilën në bashkëpronësi e ka privatizuar për 99 vjet.

Në këtë pronë që vlenë 12 mijë e 125 euro, Jashari ka 20 për qind të aksioneve.

Djali i heroit Hamëz Jashari, po del të jetë merakli i veturave.

Ai ka deklaruar se posedon tri vetura, vlera totale e të cilave është 66 mijë euro.

E 50 për qind të aksioneve, Jashari i ka në kompaninë “Premium Group Kosova”, që ka vlerë 250 mijë euro.

Shuma e parave që ai posedon në tri banka të ndryshme në Kosovë, është 61 mijë e 872 euro.

Të hyra vjetore nga paga si kryetar i Komunës, Jashari ka deklaruar 14 mijë e 831 euro.

Nga një qera në Skënderaj, ku ai i ka 20 për qind të aksioneve, ka treguar se merr plot 27 mijë e 960 euro. /Gazeta inFokus

Këtu mund t’i gjeni të dhënat e detajuara për pasurinë e Bekim Jashari: Bekim-Jashari

Subscribe në YouTube: GAZETA INFOKUSI

Të tjera