Tre vjet të VV’së në pushtet, Azemi i LDK’së ia numëron “dështimet në çdo fushë” Qeverisë Kurti
Autori: Gazeta inFokus
16:44 | 14 February 2024
Visar Azemi nga Lidhja Demokratike e Kosovës ka thënë se tri vjet në krye me Vetëvendosjen në qeverisje janë tri vjet mashtrim e zhgënjim.
Ai tha se ajo çka bëri Qeveria Kurti në këto tri vjet është lëkundja e themeleve të shtetit, duke dëmtuar Kosovën, sipas tij, në dialogun me Serbinë e politikën e jashtme.
Ndërkaq, ministres së Jashtme, Donika Gërvalla, iu referua si “prodhuese skandalesh”.
“Tre vite më parë triumfoi populizmi. Ashtu siç edhe pritej, vullnetin qytetar e përmbysën e vendin e thelluan në krizë. Lëkundën themelet e shtetit duke rrezikuar gjithë atë që u ndërtua me vite e dekada, përfshirë dhe raportet e shëndosha dhe jetike me miqtë tanë. Herë me veprime të njëanshme e pastaj me koncesione të dëmshme, dëmtuan pozicionin e Kosovës në dialog e në politikë të jashtme. Në krye të diplomacisë vendosën dhe mbajtën një prodhuese skandalesh, gjersa vendit për tre vjet s’i erdhi asnjë njohje”.
Azemi thotë se pushteti aktual solli sanksionet që përkeqësuan ekonominë dhe e akuzoi për manipulim me shifra – një akuzë që LDK ia bën vazhdimisht Vetëvendosjes.
“Kur do të duhej të punohej për një Kosovë të fuqizuar ndërkombëtarisht, ky pushtet solli sanksione nga papjekuria e paaftësia. Masa ndëshkuese që përveç dëmit politik dhe pasojave gjeostrategjike, vendit i sollën edhe humbje ekonomike. Ekonomia e Kosovës, edhe ashtu përtokë, është përkeqësuar edhe më shumë, ndërsa nivelin e dobët dhe mungesën e zhvillimit në këtë fushë këta qeveritarë janë përpjekur ta kamuflojnë me manipulime shifrash”.
“Një pushtet që premtoi ligj e drejtësi por shënoi rekorde me shkeljen e Kushtetutës, kurse Gjykatës Kushtetuese i shpallën luftë nga i pari deri te i fundit. Krahas tentimit për të kapur çdo institucion të drejtësisë, gjithë ekzekutivi u vu në mbrojtje të keqpërdoruesve si Martin Berishaj e Nagip Krasniqi. Duke mbrojtur këta njerëz të aferave që përdoren shtetin për përfitime nga tregtia me energji, qytetarëve iu shtrenjtua rryma dy herë e asnjë veprim nuk u ndërmor për stabilitet në këtë sektor”.
Azemi thotë se gjendjen e shëndetësisë e shpjegojnë më së miri “pamjet në gjendje të tmerrshme nëpër klinika të QKUK-së e listat dhe pritjes së pafundme”.
“Kurse për arsimin alarmin e jep më së miri renditja e Kosovës në fund të listës në testin PISA dhe ato 6-7 çerdhe të filluara nga mbi 100 të premtuara, e që në disa janë pezulluar punimet. Dështime e dështime. Në çdo fushë. Mungesë plani, mungesë zhvillimi. Pushtet pa dije, pushtet i dobët. Qeverisje e keqe, qeverisje e dëmshme. 3 vite mashtrim, 3 vite zhgënjim. Tashmë është e qartë se Rruga e Re është rruga e vetme, e koha jonë po vjen!”.

T� tjera
-
Vdes Floranta Radogoshi, motra e humoristit të njohur Qumili
Është ndarë nga jeta Floranta Radogoshi, motra e humoristit të njohur kosovar...
-
Partia Popullore Evropiane do të propozojë pezullimin e partisë së Vuçiqit
Kryesia e Partisë Popullore Evropiane do të propozojë pezullimin e përkohshëm...
-
BBC: Trump shtrëngon duart me Putinin dhe Xi Jinping para bisedimeve historike në Kinë
Të mërkurën, Donald Trump dhe Vladimir Putin u takuan për herë të parë pas më...
-
Kush është polici që e shoqëroi sot Jakup Krasniqin? I njëjti ishte edhe me Thaçin vitin e kaluar
Jakup Krasniqi ka qenë sot në Kosovë, nën përcjelljeve e shumë njësiteve të G...
-
Projektligji për diplomacinë, Ministri ia merr Presidentes kompetencën për emërimin e konsujve të përgjithshëm
Projektligji i ri për Shërbimin e Jashtëm të Kosovës parasheh ndryshime të rë...
-
Miftaraj: Pa reagimet publike, dënimet ndaj Thaçit dhe të tjerëve do të ishin edhe më të larta
Ehat Miftaraj nga Instituti i Kosovës për Drejtësi (IKD), i ftuar në emisioni...
-
Komuna e Vushtrrisë apelon për kujdes nga erërat e forta
Duke pasur parasysh erërat e forta që po mbizotërojnë aktualisht në Vushtrri ...
-
Zyrtari i lartë i BE-së thotë se çështja e Kosovës është ndër temat që duhet folur me pushtetin e ri në Serbi
Drejtori Gjeneral për Zgjerimin, Gert Jan Koopman, ka folur në një intervistë...
-
Rryma u ndal gjatë testit me studentët, Bajrami ironizon: Kosova e progresit të paparë
Deputetja e Lidhjes Demokratike të Kosovës (LDK), Hykmete Bajrami, e cila ësh...
-
Presidentja Shiroka Pula takon ambasadorin hungarez, këto janë çështjet që ishin në fokus
Presidentja e Kosovës, Justina Shiroka Pula, ka pritur në takim ambasadorin e...
-
Inspektorati i Punës ndërpret punimet në një objekt ndërtimi në Gjakovë – masat e sigurisë nuk u respektuan
Inspektorati Qendror i Punës njofton se ka ndërmarrë masa ndaj një objekti nd...
-
Vrasja e Arlinda Zekajt, drejtoresha e QPS-së pyetet: Në krejt këtë periudhë ku qëndronte fëmija, a është marrë dikush me nënën
Drejtoresha e Qendrës për Punë Sociale (QPS) në Pejë, Shpresa Lukaj, ka dekla...


































