Sport

“Transferi i Mudryk në Arsenal do të ndodh”

Autori: Gazeta inFokus 23:38 | 11 January 2023

Ish futbollisti i Arsenalit, Bacary Sagna ka theksuar se ai beson që Topçinjtë do ta kompletojnë transferin e Mykhailo Mudryk gjatë këtij janari

Topçinjtë janë në ndjekje të yllit të Shakhtar Donetsk dhe tashmë kanë pasur dy oferta të refuzuar, më e fundit 62 milionë funte. Derisa futbollisti dëshiron që të largohet, mbetet e paqartë nëse klubi i tij do ta lëshojë atë për një shumë më të vogël parash, pasi që ata kërkojnë një shumë tjetër të lartë.

Pavarësisht këtyre shqetësimeve, Sagna ka thënë së marrëveshja pritet të kryhet së shpejti. “Ai do t’i bashkohet klubit. Mendoj që transferët në futboll janë edhe lojë nervash në mes të blerësit dhe shitësit. Shakhtar e di që kanë një futbollist cilësor dhe ata e dinë që Arsenali e dëshiron atë. Mendoj që do të ndodh, por më shumë mundësi në fund të merkatos”, tha ai për Lord Ping.

-Advertisement-

“Shakhtar do të vazhdojnë që të negociojnë deri në fund për të marrë sa më shumë para nga shitja e futbollistit të tyre, por ata e dinë dëshirën e lojtarit që t’i bashkohet atyre dhe nuk dëshirojnë që ta frustrojnë atë. Kjo është edhe një mundësi e mirë për ta për ta bërë një shitje të madhe dhe të investojnë në futbollistë të tjerë. Besoj që marrëveshja do të ndodh. Natyrisht, tifozët e Arsenalit do të ishin më të lumtur që kjo marrëveshje të ndodh më herët për shkak se ai do të ishte një ardhje e mirë në klub”.

Donetsk thuhet se dëshirojnë rreth 100 milionë euro për futbollistin e tyre, më shumë për shkak se kaq para pagoi Manchester United te Ajax për ta marrë Antony në verë. Megjithatë, Mudryk e ka bërë të qartë që dëshiron t’i bashkohet Topçinjve me disa postime në rrjetet sociale, gjë që ndihmon Arsenalin ta zbresë çmimin.

Me synimin e Arsenalit, Joao Felix që kaloi në Chelsea, Topçinjtë tani janë më të përcaktuar që ta marrin Mudryk dhe kjo marrëveshje pritet të ndodh gjatë dimrit.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy