Sport

Thierry Henry pranon ta marrë drejtimin e gjigantit evropian

Autori: Gazeta inFokus 19:03 | 22 August 2018

Thierry Henry i ka thënë “po” mundësisë për t’u bërë trajner i ri i Bordeaux dhe vendimin për ta emëruar atë tani i përket pronarëve të rinj të klubit, General American Capital Partners (GACP), mëson Goal.

Legjenda e Arsenalit është i etur ta marrë rolin e lënë vakant nga Gus Poyet, i cili u suspendua nga klubi të premten e kaluar pas një shpërthimi kritikash dhe për mënyrën sesi ishte marrë me transferimet dhe largimet e lojtarëve gjatë afatit kalimtar veror.

Edhe pse trajneri uruguaian mbetet nën kontratë me klubin, ai në mënyrë efektive është përjashtuar nga roli i trajnerit, duke lënë një zbrazëti qe Bordeaux është i gatshëm ta plotësojë me një emër të profilit të lartë.

-Advertisement-

Francezi, i cili momentalisht është ndihmës trajner i ekipit kombëtar të Belgjikës, është shumë i interesuar për këtë sfidë të re, por e dha dritën e gjelbër për ta marrë rolin vetëm pasi i ishin plotësuar kushtet e kërkuara.

Henry fillimisht ka kërkuar të dijë shumën e parave që do t’i lejohej për ta përforcuar skuadrën, kur GACP-ja ta kompletojë marrjen në pronësi të klubit dhe nëse do t’i lejohet fleksibilitet në tregun e transferimeve.

Subscribe në YouTube: GAZETA INFOKUSI