Të gjetura shqetësuese nga IPK: Policia e ngathët në reagimin e dh*nës në familje, deri 32 minuta vonesa
Autori: Gazeta inFokus
17:47 | 19 January 2024
Inspektorati Policor i Kosovës ka hartuar një raport për “Trajtimin e dhunës në familje nga Policia e Kosovës”, që është publikuar në dhjetor të vitit 2023, e që të gjeturat janë shqetësuese.
Raporti tregon shumë mangësi të Policisë së Kosovës gjatë reagimit në raste të dhunës në familje.
Disa stacione qëndrojnë më mirë, e disa janë tepër keq në reagimin ndaj thirrjes kur raportohet dhunë në familje, shkruan Infosot.
Sipas raportit të IPK, reagimet policore, në rastet e dhunës në familje në minuta, mesatarja është 19.2 minuta në 14 stacione, ndërsa stacioni me reagimin më të shpejt është konsideruar Juniku me 6 minuta, ndërsa stacioni me reagimin më të ngathët ai i Gjilanit me 32 minuta.
Po ashtu raporti i inspektimit nxjerr në pah se lidhur me burimet njerëzore në kuadër të njësive hetimore të dhunës në familje janë hasur dobësi lidhur me mosplotësimin e vendeve të punës në kuadër të njësive hetimore në disa prej stacioneve policore, mos lëshimi i vendimeve për hetuesit konform strukturës së re të organizimit LPA-së si dhe ngarkimin e hetuesve primar të dhunës në familje edhe me raste të tjera.
“Lidhur me aktivitetet operative dhe hetime janë hasur dobësi në zgjatjen e kohës mesatare të reagimit në thirrje të qytetarëve për dhunë në familje, mungesën në disa dosje të raportimeve njoftuese për Prokurorinë mbi dyshimet e arsyeshme të kryerjes së veprave penale, mos aplikimin e vlerësimit të rrezikut për viktimat në një numër rastesh sipas formës së përcaktuar, cilësinë në disa prej kallëzimeve penale (ana teknike dhe përmbajtjesore), mungesën e Raportit ditor për rastin e dhunës në familje në disa prej dosjeve, mosrespektimin e zinxhirit komandues gjatë procedimit të një numri të konsideruar kallëzimesh penal dhe mos bashkëngjitjen e tërë dokumentacionit gjatë procedimit të lëndëve në SMIL”, thuhet në raportin e IPK me të gjeturat.
Mangësi janë hasur edhe lidhur me infrastrukturën fizike dhe teknike, që ka pasur ngecje në krijimin dhe funksionalizimin e “dhomave mike” në disa prej stacioneve policore, sigurimin e teknologjisë për komunikim për intervistimin e palëve të parapara me planin e veprimit të strategjisë dhe sigurimin e alkool testeve në disa prej stacioneve për matjen e përmbajtjes së alkoolit tek personat e dyshuar si kryerës të dhunës në familje.
Nga të gjetur IPK ka dhënë një mori rekomandimesh që kjo gjendje të përmirësohet nëpër stacionet Policore të Policisë së Kosovës.
“Bazuar në gjetjet, përfundimet dhe nevojat për përmirësimin e vazhdueshëm të shërbimeve IPK rekomandon komandantëve të stacioneve policore të inspektuara, që në koordinimin me drejtoritë rajonale të ndërmarrin veprime për përmbushjen e ekipeve hetimore me personal të mjaftueshëm për trajtim të rasteve të dhunës në familje, bazuar në strukturën organizative. IPK-ja rekomandon Drejtorit të Drejtorisë së Personalit që të pajisë hetuesit e dhunës në familje me vendim përkatës për vendin e punës. IPK u rekomandon komandantëve të stacioneve policore në Gjilan dhe Malishevë, shefave të operativës dhe mbikëqyrësve të ndërrimeve, që të mobilizohen në ushtrimin e kontrolleve mbi njësit policore, për të siguruar kohë më të shpejt në thirrje të qytetarëve për dhunë në familje. IPK po ashtu rekomandon shefave të sektorëve të hetimeve dhe mbikëqyrësve të ekipeve të hetimeve, që të ushtrojnë kontroll të shtuar mbi hetuesit që trajtojnë raste të dhunës në familje, të t’u siguruar se Mbrojtësit e Viktimave të njoftohen edhe me shkrim lidhur me rastet, për të qenë në funksion të viktimave të dhunës në familje”, thuhet në disa nga rekomandimet e IPK.

T� tjera
-
Komuna e Vushtrrisë apelon për kujdes nga erërat e forta
Duke pasur parasysh erërat e forta që po mbizotërojnë aktualisht në Vushtrri ...
-
Zyrtari i lartë i BE-së thotë se çështja e Kosovës është ndër temat që duhet folur me pushtetin e ri në Serbi
Drejtori Gjeneral për Zgjerimin, Gert Jan Koopman, ka folur në një intervistë...
-
Rryma u ndal gjatë testit me studentët, Bajrami ironizon: Kosova e progresit të paparë
Deputetja e Lidhjes Demokratike të Kosovës (LDK), Hykmete Bajrami, e cila ësh...
-
Presidentja Shiroka Pula takon ambasadorin hungarez, këto janë çështjet që ishin në fokus
Presidentja e Kosovës, Justina Shiroka Pula, ka pritur në takim ambasadorin e...
-
Inspektorati i Punës ndërpret punimet në një objekt ndërtimi në Gjakovë – masat e sigurisë nuk u respektuan
Inspektorati Qendror i Punës njofton se ka ndërmarrë masa ndaj një objekti nd...
-
Vrasja e Arlinda Zekajt, drejtoresha e QPS-së pyetet: Në krejt këtë periudhë ku qëndronte fëmija, a është marrë dikush me nënën
Drejtoresha e Qendrës për Punë Sociale (QPS) në Pejë, Shpresa Lukaj, ka dekla...
-
Deliu-Kodra reagon ashpër pas vra*sjes në Suharekë: Si mundet një vra*sës i dënuar në Zvicër të pajiset me ar*më me leje në Kosovë?
rasja e tronditme e ndodhur mesditën e sotme në Suharekë, ku mbeti i vrarë Sy...
-
Drejtoresha e QPS-së në Pejë: S’kemi bërë kërkesë për shtim të stafit, me Arlindën nuk jam takuar asnjëherë
Ushtruesja e detyrës së drejtoreshës së Qendrës për Punë Sociale në Pejë, Shp...
-
Muhaxheri nis dëshminë për rastin e Arlinda Zekajt: QPS kërkoi senzor armësh në hyrje edhe një njeri më të fuqishëm si roje
Kryetari i Komunës së Pejës, Gazmend Muhaxheri, ka nisur dëshminë e tij sot p...
-
Jakup Krasniqit i përfundon vizita, niset drejt zyrave të EULEX-it, qytetarët brohorasin: UÇK, UÇK
Pas rreth gjashtë orëve të qëndrimit në shtëpinë e tij në Prishtinë, Jakup Kr...
-
Vizita e Jakup Krasniqit drejt përfundimit, EULEX-i kthehet te shtëpia e tij
Pas rreth gjashtë orëve të qëndrimit në shtëpinë e tij në Prishtinë, Jakup Kr...
-
S’i kryen detyrat e fjetën gjatë ndërrimit, Trepça largon përkohësisht nga puna katër punëtorë
Trepça ka njoftuar se ka larguar përkohësisht nga puna të katër punëtorë. ...
































