Auto&Tech

Tastiera që përkthen në 103 gjuhë të botës, a është gjuha shqipe

Autori: Gazeta inFokus 20:44 | 18 March 2019

Nëse përdorni tastierën e Google Gboard në iOS, tashmë mund të përktheni nga të gjitha gjuhët e mbështetura në Google Translate.

Në këtë listë të 103 gjuhëve të mbështetura gjendet edhe gjuha shqipe. Përdoruesit mund të shkruajnë dhe të përkthejnë në të njëjtën kohë për çdo gjë që mbështet Google Translate direkt nga iPhone.

Funksioni i shumëpritur është tejet i vonuar. Diçka e tillë është e disponueshme në Android që nga 2017.

-Advertisement-

Me versionin 1.42 të Gboard është shtuar edhe në iPhone dhe iPad që kanë të instaluar iOS 9 ose më shumë. Ndërsa shkruani, do të merrni sugjerime të përkthimit në shiritin mbi tastierë ose të shtypni butonin Google.

Aplikacioni automatikisht gjurmon gjuhën që po shkruani dhe ju lejon të zgjidhni atë që dëshironi të përktheni. Përdoruesit do të lejohen të ngjisin tekstin e kopjuar dikur dhe ta përkthejnë në një prej gjuhëve të mbështetura.

Përveç funksionin të përkthimit, Gboard ofron mbështetje për 685 gjuhë të ndryshme. Gboard është i përshtatur me funksionet e korrigjimit automatik dhe tekstit parashikues për secilën prej gjuhëve.

Subscribe në YouTube: GAZETA INFOKUSI
KosovaMed përmbyll vitin me sukses – dhuron donacione për QKMF-në e Junikut

Të tjera