Lajme

Tahiri: Qeveria s’guxon ta zvarrisë procesin për ndryshimin e Ligjit për Dhomat e Specializuara

Autori: Gazeta inFokus 11:35 | 29 September 2026

Shefi i Grupit Parlamentar të PDK-së, Arian Tahiri, ka deklaruar se deklarata e Kuvendit të Kosovës lidhur me vendimin e Gjykatës Speciale nuk është e mjaftueshme dhe se duhet të nisë sa më shpejt procedura për ndryshimin dhe plotësimin e Ligjit për Dhomat e Specializuara.

Tahiri ka kërkuar që institucionet të ndërmarrin veprime konkrete dhe ka thënë se Qeveria e Kosovës nuk duhet ta zvarrisë këtë proces.

“Kjo nuk mjafton. Prandaj Kuvendi i Kosovës duhet ta nis procedurën për plotësimin dhe ndryshimin e Ligjit për Dhomat e Specializuara. Qeveri s’guxon ta zvarris këtë proces. Duhet ofruar përkrahje institucionale. Është koha për veprime konkrete institucionale. Ne si deputet po e përcjellim kërkesën e qytetarëve. Qytetarët me plotë të drejtë, secilën mbrëmje, secilën ditë, po protestojnë e shprehur revoltën ndaj vendimit të 16 shtatorit, për padrejtësinë historike”, ka thënë Tahiri.

-Advertisement-

“Si GP dhe PDK do të bëjmë më të mirën për të kontribuar në këtë proces. U bëj apel të gjitha partive politike, për unitet e kontribut konkret”, ka shtuar ai.

Tahiri ka thënë se projektligji tashmë ndodhet në Qeveri dhe se Kuvendi e ka përfunduar pjesën e tij të punës.

“Ligji tashmë është në Qeveri. Kuvendi e ka kryer punën e vetë. I bëjmë thirrje që ta kthej sa më shpejt në Kuvend”, ka thënë Tahiri.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy