Lajme

Tahiri e cilëson “të turpshme” mënyrën se si Borrelli do t’ia dorëzojë detyrën Kallasit

Autori: Gazeta inFokus 10:16 | 28 August 2024

Ish-kryenegociatorja e Kosovës, Edita Tahiri, nëpërmjet një postimi në “Facebook” të mërkurën, derisa komentoi rreth procesit të ndryshimit të liderëve të Bashkimit Evropian (BE), kritikoi shefin e diplomacisë evropiane, Josep Borrell, për mënyrën se si do t’ia dorëzojë detyrën shefes së re të politikës së jashtme të BE-së, veçanërisht sa i përket “dosjes” së dialogut.

E emëruar zyrtarisht si kryediplomate e BE-së, ish-kryeministrja estoneze, Kaja Kallas, do ta ketë për detyrë edhe ndërmjetësimin e dialogut për normalizimin e marrëdhënieve mes Kosovës dhe Serbisë, ndërsa ish-kryenegociatorja kosovare ka spikatur faktin se Borrelli largohet nga detyra pa arritur që t’i bindë Prishtinën e Beogradit për zbatimin e marrëveshjeve.

“Çfarë pranimi, dorëzimi i turpshëm i Borrellit – dikur [Catherine] Ashton kishte çfarë të dorezojë…”, ka shkruar Tahiri, duke kujtuar se nën ndërmjetësimin e ish-Përfaqësues së Lartë të BE-së për Politikë të Jashtme dhe Siguri ishin arritur disa marrëveshje në kuadër të procesit të dialogut.

-Advertisement-

 

Subscribe në YouTube: GAZETA INFOKUSI
Etiketa:
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…
-Advertisement-

Të tjera

Fokusi

lajme