Sulmet kibernetike, KMShK: Mediat të kenë kujdes në trajtimin e informacioneve sekrete
Autori: Gazeta inFokus 14:14 | 28 September 2022
Këshilli i Mediave të Shkruara të Kosovës (KMShK) në mbledhjen e fundit ka diskutuar për publikimin në media të informacioneve që kanë rrjedhë nga hakerët iranianë, e që kishin të bënin edhe me Kosovën.
Sipas njoftimit për media KMSHK ka diskutuar edhe vendimin e Prokurorisë së Tiranës që ua ndalon mediave në Shqipëri t’i publikojnë këto informacione.
Në njoftim thuhet se duke marrë parasysh se informacione të ngjashme mund të ofrohen në të ardhmen edhe për gazetarët dhe mediat në Kosovë, Këshilli e ka parë të arsyeshme që të dalë me një qëndrim se si duhet qasur informacioneve të tilla dhe çfarë duhet pasur kujdes para publikimit të tyre.
Siç thuhet në njoftim çështja e publikimit ose jo të informacioneve që rrjedhin nga burime të ndryshme është e ndjeshme dhe në Kosovë.
“Kjo është e rregulluar me ligjet përkatëse që kanë të bëjnë me klasifikimin e informacioneve, mbrojtjen e burimeve të gazetarisë dhe Kodin e Etikës të KMShK-së”, thuhet në njoftim.
Tutje bëhet e ditur se gazetarët duhet të kenë kujdes kur përdorin informacione që rrjedhin nga organet e sigurisë, veçanërisht ato të ndjeshme.
“Të gjitha informacionet duhet trajtuar me kujdes. Është e nevojshme që gazetarët dhe mediat të ndërtojnë standarde se si t’i përdorin këto informacione. Është e rëndësishme që mediat të kenë qëndrim editorial pse kanë vendosur t’i publikojnë materialet që mund të rrjedhin edhe nga hakerët, siç është rasti në Shqipëri dhe cili është interesi i publikut për to. Po ashtu, duhet konfirmuar vërtetësia e informacionit që është rrjedhë, në mënyrë që publiku të mos vihet në lajthitje”, thuhet tutje në njoftim.
Ndërkaq, sipas njoftimit, gazetarët dhe mediat duhet verifikuar nëse kanë të bëjnë me sekret shtetëror dhe nëse me publikimin e të dhënave cenohet sekreti i hetimit.
“Nuk duhet zbuluar emrat e dëshmitarëve ose rrethanat që mund t’i dëmtojnë hetimet. Në rastin e raportimit për atentatet e supozuara në Kosovë sekreti i hetimit nuk është cenuar, sepse rasti ka ndodhur muaj më parë. Mediat duhet të kenë kujdes se si i publikojnë informacionet, duke i redaktuar dhe mos i bërë publike të dhënat personale të personave që përmenden aty”.
Mediat, po ashtu sipas njoftimit duhet të konfirmojnë që burimi është i saktë.
“Duhet pasur parasysh mundësinë e falsifikimit, si psh. informacionet mund të ofrohen nga një email i rrejshëm ose mund të paraqiten edhe në forma të ndryshme të lajmeve të rreme, si ‘deep fake’. Hakerët mund të falsifikojnë, me qëllim që ta dezinformojnë publikun”.
Ndër të tjera në njoftim sqarohet se publiku ka interes që të informohet se çfarë ka mundur t’iu ndodh udhëheqësve shtetërorë ose zyrtarëve të tjerë të rëndësishëm.
“Rregullativa ligjore dhe dokumentet etike me të cilat funksionojnë mediat dhe gazetarët janë të qarta, andaj atyre nuk mund t’iu ndalohet me asnjë vendim prokurorie a gjykate që të mos i publikojnë informacionet që janë në interes të publikut. Marrë parasysh të gjitha këto, KMShK konsideron se mediat duhet t’i publikojnë informacionet e tilla”, thuhet tutje në njoftim të KMShK-së.
Të tjera
-
Haziri: Qeveria fajtore për dështimin e anëtarësimit të Kosovës në KiE
Nënkryetari i Lidhjes Demokratike të Kosovës, Lutfi Haziri, ka vlerësuar se Q...
-
Osmani takohet me presidentin Bush: Ishte lajmëtari i Pavarësisë së Kosovës
Presidentja e vendit, Vjosa Osmani, ka takuar ish-presidentin e ShBA-së, Geor...
-
Xi në Serbi premton thellim të bashkëpunimit dhe mbështetje për çështjen e Kosovës
Është vendi i parë në Evropë me të cilin Kina po ndërton një komunitet me të ...
-
Këto janë vendimet që ka marrë Qeveria në mbledhjen e 203-të
Qeveria e Republikës së Kosovës ka zhvilluar mbledhjen e rregullt në të cilën...
-
Detaje nga tenderi 38 milionësh, shkak i të cilit u intervistua si i dyshuar zëvendësministri Hysen Durmishi
Hedhja e firmës në një tender në vlerë rreth 38 milionë euro, është bërë shka...
-
“Peshkirin do ta dorëzojnë në ring nga goditjet e forta”, Ali Ahmeti flet për koalicionin që po e mbështetë Kurti
Procesi zgjedhor për zgjedhjet e dyfishta, ato presidenciale dhe parlamentare...
-
MPB-ja thotë se procesi i konvertimit të patentë shoferëve fillon nga 10 maji
Ministria e Punëve të Brendshme ka njoftuar se nga data 10 maj do të fillojë ...
-
Qeveria miraton shpronësimin e pronave për rrugën Prizren – Tetovë, tenderi i së cilës po shoqërohet me plot dallavere
Qeveria e Kosovës ka miratuar vendimin përfundimtar për shpronësimin e parcel...
-
Escobar për anëtarësimin e Kosovës në KiE: SHBA s’ka votë, Asociacioni dhe kërkesa të tjera s’janë plotësuar
Emisari i SHBA-së për Ballkanin Perëndimor, Gabriel Escobar, në një konferenc...
-
Mbledhja e Qeverisë, këto janë të gjitha vendimet që u morën
Qeveria e Kosovës ka mbajtur sot një mbledhje, ku ka miratuar disa projektlig...
-
Haliti kritikon Kurtin: Qëndrimet kundërshtuese ndaj SHBA-së çojnë ujë në mullirin e Serbisë
Deputeti i PDK-së, Xhavit Haliti, njëherit anëtar i Komisionit për Punë të Ja...
-
Respekt për pejanen, e gjen kuletën me franga dhe dollarë, e dorëzon në polici
Sot në stacionin policor në Pejë, qytetarja me inicialet K.B ka dorëzuar një ...