Sport

Sportistët kosovarë dërgohen në rehabilitim pas traumave të pësuara nga tërmeti në Turqi

Autori: Gazeta inFokus 12:48 | 27 March 2023

Bordi Ekzekutiv i Komitetit Olimpik të Kosovës, nën udhëheqjen e kryetarit Ismet Krasniqi, ka mbajtur mbledhjen e 24-të të tij, në të cilën u shqyrtuan pika të ndryshme të rendit të ditës.

Ndër temat e diskutimit ishte edhe mbështetja për mundësit e rinj të Kosovës që ndodheshin në Turqi kur ndodhi tërmeti shkatërrues pak kohë më parë.

“Bordi Ekzekutiv vendosi të mbështesë mundësit e rinj me dërgimin në një kamp rehabilitimi pas traumave të pësuara gjatë tërmetit në Turqi”, thuhet në njoftimin e KOK-ut, shkruan Lajmi.net

Mundësit nga Kosova ndodheshin në Kahramanarash për një turne ndërkombëtar.

Tërmeti shkatërrues që goditi Turqinë dhe Sirinë i mori jetën mbi 50 mijë njerëzve.