Rozë

Sofia Vergara akoma në luftë me të dashurin për embrionet e ngrira

Autori: Gazeta inFokus 11:02 | 28 Mars 2018

“Lufta” e Sofia Vergarës me ish të dashurin e saj për “embrionet e ngrira” u bë kryelajm sërish në mediat rozë.

Më herët gjatë këtij viti, ish- i dashuri i saj, Nick Loeb, ka kërkuar nga Gjykata që t’i japë atij kujdestarinë për embrionet e ngrira në vitin 2013, kur ata ishin së bashku.

Por megjithatë në dokumentet e reja të Gjykatës që janë siguruar nga disa media, thuhet se aktorja e “Modern Family” ka kërkuar që kjo kërkesë të hidhet poshtë nga Gjykata, transmeton Klan Kosova.

-Advertisement-

Nick ka bërë padi të ngjashme dy herë me radhë, të cilat i ka fituar modelja. Padia e fundit ishte parashtruar në Lousiana.

Sofia dhe Nick janë ndarë në vitin 2014. Kur ata u ndanë, kishin dy embrione të ngrira, por kushtet e marrëveshjes së tyre kërkonin pëlqimin e të dyve para se të mund të ngjizeshin.

Aktorja është tërhequr, por Loeb ka provuar për tre vjet që të marrë embrionet, duke thënë se ai dëshiron që t’i ngjizë në një nënë surrogate.

Kur gjykatësi në Lousiana e hodhi poshtë padinë e tij vitin e kaluar, ai i quajti “qytetarë të Kalifornisë” embrionet e ngrira.

Nick, me të cilin Sofia ishte në lidhje për katër vjet, pohoi se ai dhe ish e dashura e tij planifikonin jetën e tyre në Lousiana, por gjykata nuk i besoi atij.

Ky shtet amerikan është i njohur për ligje të favorshme kur është fjala për të drejtat e fëmijëve të palindur, dhe gjyqtari spekuloi në atë kohë që pikërisht kjo ishte arsyeja pse Loeb ngriti padinë atje.