Fokus

SKANDALOZE: Këtë shkollë në Viti e mbulon myku, shikoni si qindra karrige e banka i kanë hedhur në një klasë

Autori: Samire Jaha 17:33 | 02 May 2024

Shkollën ish teknike “Jonuz Zehnullahu”, në komunën e Vitisë duket se e ka mbuluar myku.

Kështu së paku shihet në disa pamje që një lexues i ka dërguar në redaksinë e Gazetës INFOKUS.

Në këtë videoxhirim shihet se si në një klasë të kësaj shkolle i kanë dërguar qindra karrige e banka të shkatërruara e madje këtë klasë ka filluar edhe ta mbulojë myku.

-Advertisement-

Ky lexues (emër i njohur për redaksinë), tha për Infokus se për këtë gjendje nuk po kujdesen nga Drejtoria e Arsimit të kësaj komune.

“Këto pamje, janë në ish shkollën teknike „Jonuz zejnullahu“ në Viti, DKA shihet se nuk kujdeset për inventarin shkollor, e kanë gjuajt kështu në një klasë të ish shkollës teknike, kur në anën tjetër të objektit ka punime për adaptim të hapësirave për inkubator biznesi. Ka një vit që është kjo gjendje, e pamjet dje janë marrë”, ka theksuara ky lexues për Infokusi.

E Infokusi ka biseduar edhe me drejtorin e shkollës teknike në komunën e Vitisë, Ali Bislimi.

Ai tha se ato pamje nuk munden me qenë në objektin që zhvillohet mësimi nga shkolla e tij, mirëpo për katin e tretë të kësaj shkollë nuk ka njohuri pasi ai kat shfrytëzohet nga shkolla e gjimnazit.

“Për momentin ne punojmë në dy shkolla në të njëjtën kohë në objektin e ri të shkollës teknike. Objekti është i shkollës tonë por përkatësisht shkolla është e ndarë në kate, se është edhe shkolla e gjimnazit, dhe ajo gjendje në katin e parë edhe të dytin nuk është. Tash nuk e di në katin e tretë që është e ndamë nuk po kritikoj nuk po them asgjë nëse ka apo jo asi pamje, tash unë jam drejtor i shkollës profesionale nuk kam njohuri për atë gjendje por katin e parë edhe të dytin e shfrytëzojmë ne dhe nuk ka asi gjendje”, tha Bislimi për Infokus.

Ndryshe ai shtoi se të dy shkollat janë ende të pa rinovuara.

“Nuk e di, nuk e di tash në cilin objekt, shkolla e gjimnazit është pa u renovu, ne e kemi aneksin edhe tek shkolla e vjetër edhe ajo është pa u renovu, por në shkollë ku mbahet mësimi nuk ka”, shtoi drejtori i kësaj shkolle për Infokus. /Gazeta Infokus/

Më poshtë gjeni pamje nga gjendja e kësaj klase:

Subscribe në YouTube: GAZETA INFOKUSI
Etiketa:
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

fokus