Bisnesmeni i suksesshëm shqiptar në Gjermani, Shahin Dervishaj, për herë të parë ka treguar historinë rrëqethëse të jetës së tij, shkruan Gazeta Infokus.

Njëherit, Dervishaj është edhe kandidati nga diaspora me numër 77, nga radhët e Partisë Demokratike të Kosovës në zgjedhjet e 9 shkurtit.

Ai ekzkluzivisht në emisionin “Podcast me Shkëlzen Dakaj”, ka rrëfyer me shumë emocione për migrimin në Gjermani, mallin për familjen, kontributin e vazhdueshëm për Kosovën e deri tek rikthimi në atdhe e kandidimi i tij për deputet.

-Advertisement-

“Migrimi ka qenë shumë i vështirë, nuk kemi pasur komunikim dhe malli për atdheun ka qenë i madh. nuk kam munguar nga shtëpia më shumë se 5 ditë kurrë në jetën time. Të dal në kurbet dhe të mos kthehem për 3 vjet ka qenë e vështirë. Nuk pendohem se ja kam arrit një qëllimi, edhe familja është krenare me mu. Para se të nisesha u përshëndeta me gjithë familjen. një emocion i jashtëzakonshëm kur e kam lanë Kosovën, ku sot e përkujtoj, por nuk kam dëshirë sepse për mu emocionalisht është e papërballueshme.”, është shprehur me emocione Dervishaj në emision e që është prodhim i Gazetës Infokus.

Ndryshe, gjatë inervistës Dervishaj, ka treguar për sakrificat e tij që ka bërë për familjen si i ri e që detyrimisht migroi në Gjermani.

Gjithashtu ka rrëfyer edhe për hapat e rrugëtimit të tij, kohën e luftës, ndihmën e atëhershme që diaspora ka dhënë për Ushtrinë Çlirimtare të Kosovës, e edhe synimin e tij për 2025 si kandidat për deputet.

Ai ndër tjerash në emision tha se qëllimi i tij primar është sjellja e investitorëve të huaj në Kosovë, bisnese të reja e ku thotë se kjo do ndikonte në uljen e papunëisë.

“Unë nuk vij për të përfituar në Kosovë, por kam sakrifikuar diçka për këtu. po mundona vetëm për të mirën e Kosovës për të ndaluar papunësinë”, ka thënë ndër të tjera Dervishaj./Gazeta Infokus/

Për më shumë ndiqeni emision e plotë:

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-