Sport

Si zakonisht, Real Madridi përmbys çdo gjë në fund dhe kualifikohet në finale

Autori: Gazeta inFokus 23:25 | 08 May 2024

Real Madridi është finalisti i dytë i këtij edicioni në Ligën e Kampionëve.

“Los Blancos” triumfuan 2:1 në shtëpi ndaj Bayern Munichut në ndeshjen e dytë gjysmëfinale.

Dueli i parë i zhvilluar në Gjermani u mbyll baraz, 2:2, duke lënë gjithçka hapur për ndeshjen e dytë.

-Advertisement-

Pjesa e parë ishte shumë e qetë, pa gola dhe me pak raste shënimi, shkruan Gazeta Express.

Por, krejt tjetër ndeshje u zhvillua në pjesën e dytë.

Alphonso Davies kaloi bavarezët në epërsi në minutën e 68-të me një gol të bukur.

E më pas, vendasit morën iniciativën absolute, e cila rezultoi e suksesshme në fund të ndeshjes.

Ishte zëvendësuesi Joselu, heroi i madrilenëve që shënoi dy gola për tre minuta.

Fillimisht, ai realizoi pas një gabimi të madh të portierit Neuer në minutën e 88-të.

E tre minuta më pas, Joselu shënoi për 2:1 që në fund ishte edhe goli i kualifikimit të Real Madridit në finale të Ligës së Kampionëve.

E në finalen e 1 qershorit në Londër, Real Madridi do të ketë punë me një tjetër ekip gjerman, Borussia Dortmundin që mbrëmë e eliminoi Paris Saint-Germain.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik

Të tjera