Ekonomi

Shteti i Kosovës konfiskon edhe një NOKIA në vlerë dy euro

Autori: Sylejman Sylejmani 11:32 | 22 April 2019

Një telefon i modelit NOKIA që kushtonte rreth dy euro është pasuria me vlerën më të ulët që ka konfiskuar që nga paslufta, Agjencia për Administrimin e Pasurisë së Sekuestruar dhe të Konfiskuar në Kosovë.

Megjithatë, ka pasur raste kur pasuritë e konfiskuara kanë qenë në vlerë qindra mijëra euro, shkruan Gazeta inFokus.

Liridona Zeqiri nga kjo Agjenci, ka treguar për inFokus se në një rast janë konfiskuar stoli ari të cilat kishin vlerën e plot 618 mijë e 499 euro.

-Advertisement-

Megjithatë, ndër vite kjo agjenci më shumë bënë sekuestrim të pasurisë, sesa konfiskim të saj.

Kështu ka ndodhur edhe në vitin 2018, ku dallimi është i lartë.

“Në vitin 2018 sekuestrime të pasurisë janë bërë në vlerë 900 mijë euro, kurse konfiskime janë bërë në vlerë 68 mijë euro. Në total vlera e sekuestrimeve dhe konfiskimeve është rreth një milion euro”, ka thënë Zeqiri për Gazetën inFokus.

Në një raport të publikuar nga ministria e Financave shihet se që nga viti 2010, vlera më e lartë e pasurisë së konfiskuar ishte realizuar në vitin 2017, ku ishin konfiskuar pasuri në vlerë të 507 mijë eurove.

E vlera më e ulët e pasurisë së konfiskuar është arritur në vitin 2010, ku vlera e tyre kishte arritur vetëm në 1 mijë e 720 euro.

Megjithatë, vlerë shumë më të lartë ka pasuria e cila është sekuestruar përkohësisht.

Në vitin 2016, vlera e kësaj pasurie kishte qenë 2.1 milionë euro.

Që nga viti 2010, vlera më e ulët e pasurisë së sekuestruar ka qenë në vitin 2011.

Atë vit ishin mbledhur pasuri në vlerë të 41 mijë e 852 euro. /Gazeta inFokus

Subscribe në YouTube: GAZETA INFOKUSI

Të tjera

Fokusi

ekonomi