Lajme

Shqipëria mbledh Këshillin e Sigurimit, Begaj: Jemi krah Kosovës

Autori: Gazeta inFokus 15:28 | 23 January 2023

Është mbledhur Këshilli i Sigurimit Kombëtar të Shqipërisë, ku presidenti Bajram Begaj tha se Shqipëria qëndron në krah të Kosovës për ruajtjen e paprekshmërisë dhe integritetit territorial.

“Shqipëria në krah të Kosovës për ruajtjen e paprekshmërisë dhe integritetit territorial të saj”, tha ai.

Gjatë kësaj mbledhjeje ku do të analizohet gjendja e sigurisë kombëtare dhe prioritetet për vitin 2023, u fol po ashtu edhe për situatën e sigurisë së Shqipërisë gjatë vitit që lamë pas.

-Advertisement-

Begaj tha se viti që lamë pas ishte i vështirë dhe sfidues për sigurinë kombëtare.

Ai përmendi edhe sulmin kibernetik nga hakerët iranianë, për të cilin tha se shkaktoi probleme në infrastrukturat digjitale.

Sa i përket agresionit të paligjshëm të Rusisë ndaj Ukrainës, presidenti shqiptar tha se ka shkaktuar krizën më të madhe të sigurisë në hapësirën euro-atlantike

“Efektet e këtij agresioni u shoqëruan me rritje të konsiderueshme çmimesh në sektorin ushqimor dhe të energjisë të cilat kanë shtrenjtuar dhe vështirësuar jetën e qytetarëve”, tha ai.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme