Lajme

Shqipëria ia kalon Francës për vizitorë

Autori: Gazeta inFokus 15:35 | 27 August 2023

Sipas Ministrisë së Jashtme të Francës në vitin 2019 Francën e kishin vizituar 90 milionë vizitorë duke e bërë kështu për 30 vite rresht vendin më të vizituar në glob brenda një viti, ku turizmi përbën 8% të GDP-së. Sipas Eurostat, Franca aktualisht ka gati 68 milionë banorë, që i bie 1,3 vizitorë për kokë banori

Ndërkohë sipas Gazetës Reporter vetëm nga janari e deri në gusht 2023 Shqipërinë e kanë vizituar mbi 5.2 milionë vizitorë. Sipas Eurostat, Shqipëria ka 2.8 milionë banorë që i bie se qysh në gusht të këtij viti Shqipëria ka arritur shifrën prej 1.8 vizitorësh për kokë banori, pra më shumë sesa Franca.

E nëse dalin të vërteta projeksionet që numri i vizitorëve deri në fund të këtij viti arrin në 10 milionë vizitorë gjithnjë kjo sipas Ministrisë së Turizmit, atëherë viti 2023 do të jetë i pari ku një vend i vogël si Shqipëria, e cila deri në 1990 ishte e harruara e Evropës, me mbi 3.5 vizitorë për kokë banori në vit, do t’ia kalojë bindshëm Francës. Sipas Statista, turizmi në vitin 2007 përbënte 1.4% të GDP-së së Shqipërisë, kurse në vitin 2021 5.4%. Pra, tendenca është në rritje të shpejtë dhe premtuese.

-Advertisement-

Zhvillimi ekonomik dhe infrastrukturor i Shqipërisë bashkë me përmirësimin e vazhdueshëm të cilësisë së ujit, ushqimit dhe shërbimeve do ta bëjnë Shqipërinë në vitet që vijnë ndër top destinacionet turistike në Evropë dhe jo vetëm. A.H.

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme