Lajme

Shpresa që vjen nga qielli, çfarë duhet të shikoni patjetër më 8 prill?

Autori: Gazeta inFokus 09:41 | 07 April 2020

Në datën 8 prill, Hëna do të jetë e plotë dhe emërtohet Hëna Rozë.

Në të vërtetë, ngjyra e Hënës, e cila do të shkëlqejë më shumë sesa zakonisht duke qenë e plotë, nuk do të ndryshojë, por emërtimi i saj vjen nga fiset e inidanëve të Amerikës, që u vinin emra hënëve të plota gjatë vitit si një mënyrë për të matur kohën.

Kështu, edhe pse hëna e plotë e prillit emërtohet Hëna Rozë, mos prisni që të duket rozë!

-Advertisement-

Ajo emërtohet kështu për shkak të disa luleve rozë që lulëzojnë në fillim të pranverës në Amerikën Veriore, por ajo quhet dhe Hëna e Shpërthimit të Barit, Hëna Vezë dhe Hëna Peshk në pjesë të ndryshme të planetit.

“Hëna Rozë” i referohet një myshku, ose luleje të egër, që çel në këtë kohë të vitit. Amerikanët e parë e kanë përdorur emrin, ndër të tjera, për të treguar ndryshimet sezonale. Për shembull, “Fish Moon” shënon periudhën kur peshku noton në rrjedhën e sipërme për të hedhur vezët.

Hëna Rozë megjithatë ka një rëndësi të veçantë, sepse përkon me festa të ndryshme.

Pashkët festohen të dielën e parë pas hënës së plotë, e cila ndjek ekuinoksin e pranverës.

Popullsitë Hindu festojnë lindjen e Hanuman-t në Indi në një festival të quajtur Hanuman Jayanti.

Hëna e plotë e prillit gjithashtu shënon fillimin e ditëve kur hebrenjtë kujtojnë çlirimin nga Zoti në Egjipt./Gazeta inFokus/

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik

Të tjera

Fokusi

lajme