Rozë

Shpallet fituesi i “Sanremo-s”, Ermal Meta mes 3 finalistëve, ja ku u rëndit

Autori: Gazeta inFokus 09:23 | 07 March 2021

Grupi i rrokut Maneskin janë shpallur fitues të Festivalit të 71-të të Sanremo-s.

Ndërkohë pas tij në vendin e dytë u rendit Fedez dhe Francesca Michielin me “Chiamami per nome”, ndërkohë që Ermal Meta zuri vendin e tretë me këngën “Un milione di cose da dirti”.

Këngëtari shqiptar u lakua nga mediat italiane si pretendenti kryesor për çmimin e parë dhe kënga e tij, si e denjë për të fituar festivalin. Do të ishte fitorja e dytë për shqiptarin, pas triumfimit në vitin 2018 me Fabrizio Moro me këngën “Non mi avete fatto niente”. Sanremo 2021, toto vincitore: Ermal Meta accede alla finale da favorito. Willie Peyote secondo | DavideMaggio.it

-Advertisement-

Por, pas përfundimit të festivalit, këngëtari shqiptar ka reaguar përmes një postimi në Instagram ku shpreh falenderimet për mbështetjen që i kanë dhënë. “Ishte e mrekullueshme, falenderime të përzemërta për të gjithë. Më pëlqeu dhe jam i lumtur që mora pjesë në atë skenë të rëndësishme. Rroftë muzika!”, ka shkruar Ermali.