Lajme

Shkarkohet sekretari i përgjithshëm i Këshillit të Sigurisë që ishte emëruar nga Hoti

Autori: Gazeta inFokus 11:26 | 10 November 2021

Sekretari i përgjithshëm i Këshillit të Sigurisë, Shpend Tërdevaj është shkarkuar nga kjo pozitë, në të cilën ishte vendosur nga 21 shtatori i vitit 2020.

Vendimi i Qeverisë Hoti u shfuqizua unanimisht nga Qeveria aktuale sot në mbledhje. Kryeministri Albin Kurti tha se emërimi i Tërdevajt ishte bërë në mënyrë joligjore.

“Nisur nga fakti se rekrutimi i z.Tërdevaj është bërë në shpërputhje me dispozitat ligjore në fuqi, është e domosdoshme që vendimi të shfuqizohet me qëllim të kthimit të ligjshmërisë”, tha Kurti.

-Advertisement-

Kurti tha se funksionin e sekretarit të përgjithshëm të Këshillit të Sigurisë do ta ushtrojë përkohësisht një zëvendësues.

“Pozita në fjalë do të mbulohet nga një zëvendësues i përkohshëm”, tha Kurti, duke paralajmëruar se do të ketë konkurs për këtë pozitë.

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë

Të tjera

Fokusi

lajme