Lajme

SHBA-ja i bashkohet sërish UNESCO-s

Autori: Gazeta inFokus 22:54 | 30 June 2023

Shtetet e Bashkuara i janë bashkuar UNESCO-s, nga e cila u larguan gjatë administratës Trump, pavarësisht kundërshtimit nga Rusia dhe Kina.

Ish-presidenti Donald Trump njoftoi në vitin 2017 se po tërhiqte Shtetet e Bashkuara nga UNESCO, duke e akuzuar organizatën për paragjykim ndaj Izraelit. Vendimi ka hyrë në fuqi në vitin 2018.

Një seancë e jashtëzakonshme e Asamblesë së Përgjithshme të OKB-së votoi sot me shumicë dërrmuese për kthimin e Shteteve të Bashkuara. Gjithsej 132 anëtarë votuan pro, 10 kundër dhe 15 abstenuan, transmeton Klankosova.tv.

-Advertisement-

UNESCO me bazë në Paris është organizata arsimore, shkencore dhe kulturore e Kombeve të Bashkuara.

Puna e saj përfshin përpilimin e një liste të vendeve të trashëgimisë botërore, mbrojtjen e lirisë së shtypit, promovimin e zhvillimit të qëndrueshëm dhe zbatimin e programeve arsimore.

Zërat kundërshtues përfshinin Iranin, Sirinë, Kinën, Korenë e Veriut dhe Rusinë, delegatët e të cilëve dukej se po përpiqeshin të vononin votimin përmes disa deklaratave mbi procedurën dhe amendamentet.

Kjo shkaktoi një fund të kontributeve sipas ligjit të SHBA-së, duke çuar në njoftimin formal të tërheqjes gjashtë vjet më vonë.

Subscribe në YouTube: GAZETA INFOKUSI