Shëndetësi

SHBA: Dështimi i OBSH-së me COVID-19 mori shumë jetë

Autori: Gazeta inFokus 23:04 | 18 May 2020

Sekretari për Çështje humane dhe Shëndetit amerikan Alex Azar deklaroi sot se përgjigja e dështuar e Organizatës Botërore të Shëndetit (OBSH) ndaj pandemisë Covid-19 ka marrë shumë jetë në gjithë botën.

Në ditën e parë të asamblesë vjetore të organizatës, Azar tha se veprimi i OBSH-së duhet të jetë transparent dhe se SHBA do të mbështesë një rishikim të pavarur të çdo aspekti të përgjigjes së OBSH-së ndaj pandemisë.

“Le të jemi të hapur për njërën nga arsyet kryesore që epidemia doli nga kontrolli ynë: kjo organizatë nuk dha informacionin e nevojshëm për botën dhe dështimi i saj mori shumë jetë njerëzore,” tha ai.

Uashingtoni, i cili akuzon Pekinin për mbulimin e shkallës së epidemisë, thotë se OBSH është rreshtuar në udhëheqjen e pandemisë me strategjinë e Kinës. Shtetet e Bashkuara shpejt pezulluan kontributin e saj amerikan në OBSH.

SHBA ka akuzuar OBSH që injoroi paralajmërimin e hershëm të Tajvanit për ashpërsinë e koronavirusit, i cili u shfaq në fund të dhjetorit në Kinë, të cilën agjencia e KB e mohon.

“Ne argumentojmë se OBSH ka dështuar në detyrën e saj themelore të shkëmbimit të informacionit dhe transparencës kur vendet anëtare nuk veprojnë me mirëbesim. Kjo nuk duhet të ndodhë kurrë më”, tha zyrtari i lartë i SHBA-së.

Kritika e re amerikane vjen në një kohë kur OBSH duhet të miratojë një rezolutë të dërguar nga BE në një seancë dy-ditore, e cila bën thirrje për një “proces vlerësimi” të përgjigjes shëndetësore ndërkombëtare ndaj pandemisë dhe masave të marra nga OBSH që të kryhen sa më shpejt të jetë e mundur.

Të tjera