Sport

Shaqiri tregon se çfarë mesazhe mori kur u shkarkua Jose Mourinho

Autori: Gazeta inFokus 14:18 | 21 December 2018

Xherdan Shaqiri pati një impakt të madh në fitoren 3:1 të Liverpool ndaj Manchester United fundjavën e kaluar në ‘Anfield Road’.

Ylli i futbollit me prejardhje nga Kosova, u inkuadrua në pjesën e dytë të ndeshjes për të shënuar dy gola, për fitoren e madhe të Liverpoolit, dhe futjen në krizë edhe më të madhe të Manchester Unitedit.

Humbja nga Liverpooli që erdhi si pasojë e golave të Xherdan Shaqirit, kanë shtyrë drejtuesit e Manchester Unitedit që të shkarkojnë Jose Mourinhon.

-Advertisement-

Shaqiri gjatë një interviste për ‘The Guardian’, ka thënë se pas shkarkimit të Mourinhos, ka marrë shumë mesazhe, në cilësinë e ‘fajtorit’ për shkarkimin e portugezit.

“Kishte shumë mesazhe të mira për ndeshjen kundër United, në fillim dhe më vonë, kur lajmi u dha për Mourinhon, kisha një mesazh: ‘Ky është faji i jotë!’ Por ky është futbolli ndonjëherë”.

“Nuk mendoj që pse e fituam ne atë ndeshje United mori vendim ta ndryshoi menaxherin e tyre. Ka arsye të tjera që kanë të bëjnë me një histori. Në këtë histori gjithmonë do të jetë e imja”.

Subscribe në YouTube: GAZETA INFOKUSI