Seati njofton se SUV-i i saj i ri, Tarraco, tani është në dispozicion me motor të ri benzinë 1.5-litër Turbo i cili është në kombinim me marshin DSG dhe sistemin e tërheqjes me vetëm rrotat e përparme.

Ky prodhues i njohur spanjoll i veturave, thekson se versioni i ri i Tarracos do të tërheqë blerësit në radhë të parë të flotës, por SUV-i është dedikuar në mënyrë të barabartë edhe për pronarët individualë.

Tarraco më parë nuk mund të blihej me motorin benzinë të lartpërmendur, sistemin e tërheqjes me rrotat e përparme dhe marshin automatik DSG, por kjo mungesë në ofertë tani është korrigjuar.

Motori benzinë me 1.5-litër Turbo është me kapacitet prej 150 kuajfuqi, gjë që është e mjaftueshme që shpejtësinë nga 0 deri 100 kilometra në orë për 9.5 sekonda ndërsa atë maksimale deri në 198 km/h.

Ky Tarraco i përditësuar, po ashtu, do të jetë në dispozicion me 5 dhe 7 ulëse.

Menjëherë pas lansimit të këtij versioni të ri të Tarracos, versionet FR dhe plug-in hibrid do të dalë në treg po ashtu, duke mbërritur në gjysmën e dytë të vitit të ardhshëm.

Versioni hibrid Seatit do të ketë motor benzinë 1.4-litër TSI dhe një motor elektrik, fuqia totale e të cilit do të jetë 245 kuajfuqi. Ky versioni, me një mbushje të baterisë do të mund të udhëtojë deri në 50 kilometra.