Lajme

Sanksionet nga BE, Lajçak ‘lë varur’ Kosovën: 27 shtete po e presin raportin tonë

Autori: Gazeta inFokus 23:35 | 05 June 2023

Pas takimit me kryeministrin e Kosovës në objektin e qeverisë, emisari i BE-së për dialogun Kosovë-Serbi, Miroslav Laçak ka thënë se bashkë me emisarin amerikan për Ballkanin Perëndimor, Gabriel Escobar, e kanë pasur një diskutim të vështirë me kryeministrin Albin Kurti.

Lajçak ka deklaruar se para kryeministrit kosovar është prezantuar një propozim tre-pikësh, si mënyrë për të dalë nga situata e tensionuar në veri.

“E para është shtensionimi, e dyta zgjedhje të shpejta në veri dhe e treta rikthimi në dialogun për normalizim”, ka thënë Lajçak.

-Advertisement-

“Misioni ynë vetëm sa ka nisur”, ka vazhduar ai.

Lajçak ka thënë se bashkë me Escobar do të jenë në këtë mision edhe për dy ditët e ardhshme. Ai ka treguar se parashihet edhe një takim me presidenten Vjosa Osmani e më pas me krerët serbë.

Sa i përket paralajmërimit të 27 shteteve anëtare të BE-së për sanksionimin e Kosovës, Lajçak ka thënë se ato po presin raportin nga ky mision në Ballkan.

“Mund t’ju them se shtetet anëtare po presin raportin tonë”, ka thënë Lajçak.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme