Fokus

Alarm në rrugët e Kosovës: 3 të vdekur dhe 19 aksidente me të lënduar brenda 24 orëve

Autori: Gazeta inFokus 10:04 | 02 June 2025

Situata në rrugët e Kosovës po paraqitet gjithnjë e më shqetësuese. Vetëm gjatë 24 orëve të fundit, janë regjistruar 3 aksidente me fatalitet dhe 19 të tjera me persona të lënduar, duke ngritur alarmin për sigurinë në komunikacion, shkruan Gazeta Infokus.

Sipas statistikave të publikuara nga Policia e Kosovës, janë shënuar gjithsej 57 aksidente trafiku, prej tyre:

  • 3 me pasoja fatale,
    19 me të lënduar,
    35 me dëme materiale

Një vajzë 24 vjeçare ndërroi jetë në Drenas, pas një vetëaksidenti të shkaktuar nga shoferi i veturës i cili është duke u trajtuar në spital.

-Advertisement-

Po ashtu një burrë humbi jetën pasi nga shpejtësia doli nga rruga dhe vetura u fogj, rasti ka ndodhur në Pejë.

Ndërsa edhe një person humbi jetën në Prizren pasi aksidentit me veturë nga lendimet e marra vdiq në spital.

Përveç aksidenteve, gjatë kësaj periudhe janë shqiptuar 1,812 tiketa trafiku, si pjesë e masave për rritjen e sigurisë rrugore. Ndërkohë, 22 persona janë arrestuar, 16 janë dërguar në mbajtje, ndërsa nuk është regjistruar asnjë ndalim policor për shkelje të tjera, përfshirë ato në bazë të ligjit për Covid-19.

Pavarësisht fushatave të vetëdijesimit dhe masave ligjore, numri i lartë i aksidenteve tregon se neglizhenca në vozitje, shpejtësia mbi normat e lejuara dhe mungesa e kujdesit po vazhdojnë të marrin jetë dhe të shkaktojnë lëndime serioze./Gazeta Infokus

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

fokus