Lajme

Rrustemi: Nuk kam lidhje familjare me të arrestuarin që e kërcënoi Ramush Haradinajn

Autori: Gazeta inFokus 23:08 | 12 August 2026

Deputeti i Vetëvendosjes, Adnan Rrustemi, ka reaguar pas akuzave të deputetit të Aleancës, Burim Ramadani, duke mohuar kategorikisht se ka lidhje familjare me personin e arrestuar, Skënder Llugiqi, i cili sot kërcënoi Ramush Haradinajn.

Rrustemi e ka dënuar gjuhën e përdorur ndaj Haradinajt, duke e cilësuar atë si të papranueshme dhe të dënueshme, pavarësisht se nga kush vjen

Ai ka theksuar se dallimet politike nuk duhet të shndërrohen në gjuhë kërcënuese apo fyese.

-Advertisement-

Sa i përket pretendimeve për lidhje familjare, Rrustemi ka thënë se ato janë “krejtësisht të pabazuara”.

Ai ka thënë se, ndonëse ka dëgjuar për personin në fjalë si emër dhe si ish-ushtar i UÇK-së që jeton prej më shumë se 25 vitesh në Obiliq, nuk e njeh personalisht dhe nuk ka pasur dijeni se ndodhej në Kuvend.

“Personin në fjalë me pa nuk do ta njihja, por si emër kam dëgjuar. Kam dëgjuar vitet e fundit e gjatë fushatave, si ish ushtar i UÇK-së që jeton mbi 25 vite në Obiliq. As nuk e kam pa e as nuk e kam ditur që ndodhet në Kuvend dhe në cilën kohë sa isha unë aty. Është e vërtetë që unë i kam dajtë nga Dobraja e Madhe, ku Llugiqët janë mbi 300 shtëpi. Si kudo, edhe aty ka lloj lloj personash. Nga persona që nuk kanë mbajtur qëndrimin e drejtë për kombin e vendin, deri te ushtarë të shumtë të UÇK-së, e heroi kombëtar nga kjo familje e nga ky fshat”, ka shkruar Rrustemi.

“Nëna ime ka vetëm dy vllëzër, babai i nënës sime ka qenë djal i vetëm. Asnjëri nga të apostrofuarit nuk janë këta. Prandaj çfarëdo tendence për të lidhur emrin tim me këta emra, është veç një përpjekje për goditje politike, të cilat nuk e ndikojnë veprimtarinë time politike.Pres që ta tërheqin menjëherë shpifjen deputeti Burim Ramadani dhe mediat e caktuara, përndryshe për këtë rast do të ushtroj menjëherë padi.”, ka deklaruar tutje Rrustemu.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy