Lajme

Rënia e rasteve të infektimit dhe vdekjeve nga COVID-19, kërkohet lirimi i masave nga Qeveria

Autori: Gazeta inFokus 07:51 | 12 October 2021

Pas rënies së numrit të vdekjeve dhe rasteve të reja positive me COVID-19 në Kosovë, kanë filluar kërkesat për lirimin e masave që janë në fuqi për parandalimin e përhapjes së virusit.

Lirimin e masave e kanë kërkuar së pari kryetarët e komunave, të cilët kanë kërkuar së paku lehtësim të masave për qytetarët e vaksinuar kundër COVID-19.

Në anën tjetër, sot ka reaguar edhe Shoqata e Gastronomëve, të cilët kanë thënë se janë bërë dy javë që nga hyrja në fuqi e masave të reja antiCOVID, përderisa janë ankuar se kërkesat e tyre ndaj institucioneve po hasin në “vesh të shurdhër”.

Gjatë javës së kaluar në Kosovë janë regjistruar nëntë vdekje dhe 193 raste të reja me COVID-19, kurse vetëm gjatë ditës së sotme janë regjistruar dy raste të vdekjes dhe 14 raste të reja pozitive me koronavirus.

Aktualisht, në Kosovë janë 1 mijë e 95 raste aktive me COVID-19, ndërsa deri më tani janë administruar 1.456.845 doza të vaksinave kundër COVID-19.

Të tjera