Lajme

Refuzohet kërkesa e LVV-së për biletat e transportit urban, Rama: Jeni dashakëqij, edhe të padijshëm

Autori: Gazeta inFokus 20:23 | 10 August 2026

Kryetari i Komunës së Prishtinës, Përparim Rama, ka bërë të ditur se Gjykata Administrative e Kosovës ka refuzuar propozimin e grupit të asambleistëve të Lëvizjes Vetëvendosje lidhur me vendimin për ndryshimin e çmimit të biletës së transportit publik urban.

Sipas aktvendimit të datës 28 korrik 2026, Gjykata Administrative ka refuzuar kërkesën e grupit të asambleistëve të LVV-së për pezullimin dhe ndalimin e prodhimit të efekteve juridike të vendimit të kryetarit të Komunës së Prishtinës, të datës 29 qershor 2026.

Në aktvendim thuhet se propozuesit kishin kërkuar që të pezullohej ekzekutimi i vendimit për ndryshimin e çmimit të biletës së udhëtimit në transportin publik urban, deri në një vendim përfundimtar të gjykatës.

-Advertisement-

Gjykata ka vlerësuar se pretendimet e paditësve-propozuesve për vendimin e kontestuar nuk përmbajnë argumente ligjore për shqyrtim gjatë fazës së masës së sigurimit, ndërsa ka konstatuar se vendosja lidhur me kërkesën për shtyrjen e ekzekutimit të vendimit nuk përbën vendosje përfundimtare mbi konfliktin administrativ.

Pas këtij vendimi, Rama ka reaguar përmes një postimi në Facebook, duke e cilësuar vendimin si refuzim të kërkesës së grupit të asambleistëve të LVV-së.

“Gjykata Supreme e ka refuzuar kërkesën e grupit të asambleistëve të Lëvizjes Vetëvendosje! Po e ripërsëris, përveç që jeni dashakëqij, jeni edhe të padijshëm!”, ka shkruar Rama.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy