Sport

Reali nuk kalon në “San Mames”, vetëm 1 pikë me Bilbaon

Autori: Gazeta inFokus 08:34 | 16 September 2018

Ndalesa e parë për Realin e Julen Lopeteguit, vjen në fortesën “San Mames”. Ndaj Athletic Bilbaos, Los Blancos u ndalën në një barazim 1-1, madje vendasit edhe mund ta kishin fituar sfidën pasi ishin shumë kërkues.

Fusha e Bilbaos gjithmonë ka qenë e vështirë për Realin e Madridit por edhe për Barcelonën me këta të fundit që tashmë kanë dy pikë më shumë se mbretërorët dhe kryesojnë të vetëm La Ligan.

Në të 32-ën Iker Munian realizoi golin e epërsisë për Athletic ndërsa pak çaste më vonë Raul Garcias iu anulua një gol për pozicion jashtë loje. Në pjesën e dytë, Reali e rriti shumë ofensivën drejt portës së skuadrës baske dhe pas shumë përpjekjesh gjeti golin e barazimit me Iscon në minutën e 63-të, por deri në fund shifrat nuk ndryshuan më edhe pse të dyja skuadrat kërkuan të merrnin tre pikët.

-Advertisement-

Valencia ndërkohë nuk fitoi sërish pasi u ndal në një barazim pa gola nga Real Betis në Mestalla.

Subscribe në YouTube: GAZETA INFOKUSI