Sport

Rashica vlerësohet lartë pasi me asistimin e tij shpëtoi Bremenin nga humbja

Autori: Gazeta inFokus 09:38 | 26 August 2018

Edicioni i ri në Bundesliga ka nisur në mënyrën më të mirë të mundshme për Milot Rashicën.

Sulmuesi nga Kosova nuk e ka nisur ndeshjen si titullar, por është futur nga banka rezervë për ta shpëtuar Bremnin nga humbja.

Werder Bremen ishte nikoqir i Hannoverit dhe po pësonte humbje 0-1, pasi mysafirët shënuan 15 minuta para fundit të ndeshjes.

-Advertisement-

Por ishte sulmuesi nga Kosova, Milot Rashica që asistoi bukur për Gebre Selasien që barazoi shifrat në 1-1 dhe shpëtuan Bremenin nga humbja në start të edicionit të ri.

Rashica ishte inkuadruar në lojë në minutën e 52-të në vend të kapitenit Max Kruse.

Milot Rashica dhe Martin Harnik. (Getty Images)

E falë asistimit ndaj Hannoverit, Rashica është vlerësuar lartë nga mediat gjermane.

Lojtari me notën më të lartë ka qenë Gebre Selasie me notën (7,8), ndërsa Rashica është vlerësuar me (7,2).

Në javën e ardhshme Bremeni do të luaj në udhëtim te Frankfurti dhe Rashica pritet të jetë titullar pas paraqitjes së shkëlqyeshme ndaj Hannoverit.

Forma e mirë e Rashicës me klubin e tij është lajm i mirë edhe për trajnerin e Kosovës, Bernd Challandes që pritet ta grumbullojë vushtrriasin për ndeshjet e shtatorit.

Subscribe në YouTube: GAZETA INFOKUSI