Lajme

Raportohet se është vjedhur një laptop i gjykatësit të Speciales, reagon Faton Klinaku nga OVL e UÇK-së

Autori: Gazeta inFokus 08:31 | 23 January 2023

Gazeta franceze “Le Journal du Dimanche” raportoi se një laptop me të dhëna sensitive u vodh në banesën e gjykatësit të Specialës në Paris të Francës.

Siç shkruan kjo gazetë, ky rast ka ngritur shqetësime te autoritetet franceze.

“Banorët e një ndërtese e thirrën Policinë pasi vërejtën që dera e fqinjit të tyre ishte hapur me forcë”. Kështu e përshkruan rastin kjo gazetë, duke theksuar se “nuk ishte vjedhur asnjë gjë me vlerë, përveç një laptopi”, raporton gazeta franceze.

-Advertisement-

Për lajmin ka reaguar edhe përfaqësuesi i Organizatës së Veteranëve të Luftës së UÇK’së, Faton Klinaku, duke thënë se nëse ato të dhëna i vijnë, ‘edhe fshehtë nuk mbahen’

“Grabitje në Paris: Një gazetë franceze raporton se i është vjedhur laptopi një gjyqtari të Speciales me të dhëna sensitive. E nëse na vijnë këto të dhëna, çka me ba unë?Edhe fshehtë nuk mbahen!”, ka shkruar Klinaku.

Subscribe në YouTube: GAZETA INFOKUSI
MYZHDE për krejt!

Të tjera

Fokusi

lajme