Ekonomi

Raporti i Progresit: Ekonomia e zezë kaplon Kosovën

Autori: Gazeta inFokus 10:23 | 20 April 2018

Në vendin më të varfër në rajon, biznese mund të hapësh çdo ditë, Por të rralla janë ato që u mbijetojnë kohës.

Më shumë se 22 mijë e 516 kosovarë me kalimin e viteve u kanë vërë drynin bizneseve të tyre. Aq është numri i bizneseve që janë shuar, përkatësisht janë jo aktive, shkruan Infokusi.com.

Edhe pse në bazë raportit të të Bërit Biznes të publikuar nga Banka Botërore, Kosova ishte rënditur një nga 10 reformatorët më të lartë, ende ka shumë barriera në të bërit biznes.

-Advertisement-

Kjo u ritheksua edhe me Raportin e Progresit, i cili vlerëson përparimin drejt Bashkimit Evropian, për gjashtë shtetet e Ballkanit Perëndimor.

LEXO EDHE: Ja sa biznese u mbyllën në Kosovë

Administrata e papërgjegjshme, sundimi i dobët i ligjit, korrupsioni dhe ekonomia joformale e përhapur, mbeten pengesat kryesore për bizneset kosovare, shkruan Infokusi.com.

“Megjithëse informaliteti mbetet i lartë, rreth 30% e PBB, studime të ndryshme tregojnë për uljen e vazhdueshme të tij midis 2013 dhe 2015 për shkak të përmirësimit të efektivitetit të praktikave të administratës tatimore”, thekson raporti i Progresit, që u publikua të marëtn.

Por, në bazë të këtij raporti informaliteti mbtetet ndër pengesat kryesore. Thuhet se për shkak të informalitetit humbje të mëdha përjetuan sektori i ndërtimit e ai i tregtisë. Ndërsa, përmendet edhe mosefikasisteti i gjyqësorit.

“Ekonomia e zezë u rrit në terma absolutë. Sektorët e ndërtimit dhe të tregtisë përjetuan humbjet më të mëdha në të ardhura për shkak të informalitetit. Sistemi gjyqësor vuan mosefikasiteti dhe vonesat”, thuhet më tej në këtë raport./Infokusi.