Sport

Ramos këshillon Kane: Realit nuk mund t’i thuash jo!

Autori: Gazeta inFokus 13:41 | 07 June 2023

Edhe Sergio Ramos nuk mund të rrinte pa dhënë një opinion mbi transferimin e mundshëm të Harry Kane nga Tottenhami te Reali i Madridit. Ish-mbrojtësi i “Los Blancos”, që në orët e fundit lajmëroi lamtumirën ndaj Paris Saint-Germain, tha të tijën mbi blerjen e mundshme të “bomberit” anglez nga spanjollët, duke u shprehur:

“Këshilla ime ndaj çdo lojtari është të mos refuzojë mundësinë për të luajtur për Realin e Madridit, është një klub special që di se si fitohet”, – duke shtuar më pas në lidhje me qendërsulmuesin, – “Kane ka një prezencë fizike të pabesueshme, nuk mund të shënosh aq shumë gola sa ai në Premier League nëse nuk mbështetesh edhe në aspektin fizik të lojës.

Ai është edhe në gjendje të bëjë diferencën në nivelin teknik gjatë ndeshjeve dhe mendoj se nuk flitet shumë për këtë aspekt. Ai është një “bomber” i madh por edhe një lojtar shumë i talentuar”.

-Advertisement-

Subscribe në YouTube: GAZETA INFOKUSI