Sport

Ramadani: Ja nga kush varet Feronikeli për ta fituar titullin kampion

Autori: Gazeta inFokus 16:53 | 31 October 2018

Feronikeli vuan por në fund fiton ndaj Drenicës në shtëpi (2-1). Një fitore të tillë me plot vuajtje dhe mundim e kishte parashikuar edhe kryetrajneri i skuadrës nga Drenasi Zekirija Ramadani i cili ka mbetur i kënaqur nga angazhimi i futbollsitëve të tij me rastin e fitores.

“Fusha e lojës e vërtetoi epitetin derbi që mbante kjo sfidë para fillimit të ndeshjes. E kemi pritur që do e kemi një ndeshje kaq të vështirë duke e parë edhe cilësitë e skuadrës kundërshtare, por futbollistët treguan angazhim të madh dhe vullnet për ta fituar këtë ndeshje, me ç’rast edhe i përgëzoj. Kemi shpërdoruar shumë raste, sikur fati na ktheu shpinën në këtë përballje. Vetëm Kastriot Rexha kishte një numër të madh rastesh për të realizuar dhe mendoj sikur ti shfrytëzonim vetëm 20% të rasteve në këtë përballje do e fitonim më me lehtësi këtë ndeshje”, deklaroi Zekirija Ramadani për “Super Sport Kosova”.

Tekniku shkupjan më tej foli edhe për presionin që ka skuadra e tij për ta mbajtur mbi supe si lider i Ipko Superligës.

-Advertisement-

“Presioni ekziston sikurse në çdo kampionat tjetër dhe sikurse për çdo objektiv tjetër. Por, kemi gjithë eksperiencën e duhur dhe besoj se mund ta përballojmë pa ndonjë problem. Varemi nga vetja jonë pasi jemi lider në tabelë dhe sikur ti fitojmë të gjitha ndeshjet nuk kemi pse ti shikojmë rivalët”, deklaroi Ramadani.

Me vetëm 12 ndeshje të zhvilluara Feronikeli kryeson renditjen tabelare me 29 pikë.

Subscribe në YouTube: GAZETA INFOKUSI
MYZHDE për krejt!
-Advertisement-

Të tjera

Fokusi

sport